Galatia 6:13 - Biblía Axweesantá Hhohho' ar Mungú 2004

¹³ Asma tam mukwí al/utlór iinuús, inooín awa kilá' hara'aya ngi iialooeemisiaaká. Gár inooín i slaiya' a masók kuungá' tundun al/utlín as kahhó' inooín tiwa kilooín xirfayeemiisiya' as al/utlorhúng.

Ya/abtór hho' 1977

¹³ Asma tam mukwí al/utlór iinuús, inooín awa kilá' hara'aya ngi eeharahariaaká. Gár inooín i slaiya' a masók kuungá' tundun al/utlín as inooín tiwa kilooín xirfeemiisiya' as al/utlorhúng.

Galatia 6:13 Iomraidhean Croise

Matayo 23:15

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' an harweeririindá' baraá tlawtá wa ale, nee baraá yaamaá kaahare as heé wák kuwa eeharusmoohúng tlehha'. Aluuwo kuri heé tlaákw tlehhá' sagaáwa tsár ta kuungae, tari heé hariím kuwa kwahhi baraá asltá baloó gwaa'aaká.

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Matayo 23:3

Gawaá adoorihe umuúqo gaaro ar ni kuungií intsaahhatisiia, oohaak nee ka tlehhá'. Ala tlehhemi'iidá' inooín ta tlehhiiti, mi tleehhara'. Asma inooín tidá' ta kaahi ka tlehhiitiiká.

Luka 5:38

Ala difaáír /aben dír ki qamaamin a baraá tlakwa'aá /aben awa kaahari.

1 Korinto 3:21

Gawaá adoorihe hee miwa daara/án as muu. Asma umuúqo gaaro a toohúng.

1 Korinto 5:6

Daara/angwhúng kwisíng i harinká. Kuungá' a xuá'aáke, «Gadaádá' mikaáte kar sluuftimaamisi tam ka niiná, xwaanteedár mikaáte sleémeero aqo gan sluuftís.»

2 korinto 11:18

Asma múk yaariír i deer oo ti kilooín xirfayeemiís as muruú baraakaá yaamu, ala tam aníng sleeme tin adoodár xirfayeemiís.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

2 Petro 2:19

Inooín gár ta al'axweesi dír muko a kiwa gweeri baraá lawaali'iimaro. Ala laatí inooín awa kilá' a lawaalér tlehhema'aá hhitiru'uuma. Asma hee burkwa baál nee gaa, inós a lawaalmoó gadaádá'.