Galatia 5:6 - Biblía Axweesantá Hhohho' ar Mungú 2004

⁶ Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Ya/abtór hho' 1977

⁶ Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár gídaabár koom a haratlintaao, tidá' ti laqaqaam ar sla'aari.

Galatia 5:6 Iomraidhean Croise

Luka 7:5

asma xooroorén ga ló'wa slaa'. Nee inós a kudá' atén taa doó saalíngwí tleehh.»

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

1 Korinto 7:19

Hee burkwa al/uútl, laqaá burkwa al/utliiká, a gaarooká. Ala hara'ayár Mungú ka iialooeemisi.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

Galatia 3:26

Asma kuungá' sleémeero a na/aá Mungú asma Yesu Kristo ugwa haratlintié'.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 6:15

A gaarooká hee burkwa al/uútl, laqaá barnaxes kwa al/uutliiká, ala gár afhhamít a hee kuwa heé /abén tleehhi.

Efeso 6:23

Wayda masók i dír hhae sleémeero, nee sla'aari nee haratlintaao, ar amór Mungú Baabá daahh, nee amór Aako Yesu Kristo.

Kolosai 1:4

Asma aga axaasaán kuungá' adór Kristo Yesu kura haratlintié', nee adór múk hhohhó' oo Mungú sleémeero kura slaé'.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

YOSHUA 5:5

Mukdá' sleémeero naa baraá yaamaá Misrír wa ti'iit kwaa qaroó al/utlín. Ala mukdá' sleémeero taa laqwaál baraá xaanxáy ale, alaá tindiwa ti'iít baraá Misriro, kwaa al/utlinká.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,