Galatia 5:5 - Biblía Axweesantá Hhohho' ar Mungú 2004

⁵ Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

Ya/abtór hho' 1977

⁵ Ala atén, haraxu'utirén a gídaabá Mungú atén ti gan'amuú i harafaar. Gaarí an gár ta daamaaramaan ar haratlintaao ar /uuruú Qeeruú Mungú.

Galatia 5:5 Iomraidhean Croise

IIMU/UUNGW 49:18

«Aníng ba/amarók an daamaraám, aá Aakoó Mungú.»

WARA'AMI 130:5

Aníng AAKOÓ MUNGÚ un daamaraám, muunaáeé' AAKOÓ MUNGÚ gun daamarán, axweesantós aga harahhiíf.

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 25:5

Án geeraharáng ar looeemawók nee intsaahhatisáng. Asma kuúng an Munguú ba/amar'eé', án kuúng un harahhiíf umuú daqto.

WARA'AMI 62:5

Aníng Mungú un daamaraám ar qitla, harahhifor'eé' amór i dahh a amoorós.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

1 Korinto 1:7

Gawaá adoorihe aleesleemuú Qeeru oo aa /aaruy dirhunge i kaahh, qoomaarír Aakoorén Yesu Kristo kuwa daamaaraanda', as kuwa geehhooeesi.

Efeso 2:18

Asma baraá Kristowo ateéká' tsaraawo loohi ana slawaán ar Baabá kuwa i tseewuwaan ar baraá Qeeruú wák.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

2 Tesalonike 3:5

Masók Aako munerhúng gan gan'aás amór sla'aarír Mungú nee baraá qitluudá' Kristo ni hanmiisi.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.