Galatia 5:10 - Biblía Axweesantá Hhohho' ar Mungú 2004

¹⁰ Atén sleémeero a wak baraá Aakoowo. Gawaá adoorihe aníng kuungá' nu xurumitaaká, ala gár ni xuu' a tí, kuungá' sleeme axweesante'eé' tí a siaasia'aaká. Ala heedaádá' kuungá' nu sagaqwaareés, sakwasleemaarós ga sláy, inós tam heemahe.

Ya/abtór hho' 1977

¹⁰ Atén sleémeero a wak baraá Aakoowo. Gawaá adoorihe aníng kuungá' nu xurumiitaaká, ala gár ni xuu' a tí gídaabá, kuungá' sleeme axweesante'eé' tí a siaasia'aaká. Ala heedaádá' kuungá' nu sagaqwaareés, inós sakwasleemaarós ga sláy, inós tam heemahe.

Galatia 5:10 Iomraidhean Croise

Tlehhema'aá ya/Abuuse 15:24

Atén aga axaasaán adór, mukko amoorén daáhh kuungá' nura daawitimiís ar axweesanay'ín, nee munerhúng ngaa xurér i qaasiyé'. Ala atén inooín ngaa ya/aawaniiká.

1 Korinto 5:5

daqaní heesíng ku hanisá' amór Neetlángw i alé, as slaqwtós kwa hhitin, as qeeruuwós daqaní iwa ba/an Baalaadár Aakoorén Yesu binda hardát.

2 korinto 1:15

Qoomár niwa harahhifoorí koom har geeraawo ana slaá' niwa amorhúng kaw as kuungá' tsuuqa kiwa sagaáwa tsár wa sleera'.

2 korinto 10:2

Aníng kuungá' nu firiím, aníng mi harakeesara' xarasleemaeé' ngiwa laqaam qoomár binda amorhúngií hardáh. Asma aníng a xuú' xarasleema i aleesláw dír mukdá' heeuumar'ín eeharahara.

2 korinto 10:6

Nee kuungá' bar aga hhe'esé' iialooémisuuwo, atén daqaní a ya/aamaán umuúqo iawasle kiwa sakwasleemuutaan.

2 korinto 13:10

Gaarí an gár aníng tí ngisa gooiím, dír aníng nira hardihiiká amorhúng, as aníng qoomár binda hardáh munduwa i buúhh, slám aleesleemuudá' Aako naa aníng i haniís muwa ar gadiyuús. Aleesleemuudá' aníng una sláw as kuungá' nuwa kwa/amis, ala oo kuungá' nuwa fe/iitaaká.

2 korinto 2:3

Gaarí an gár aníng kuungá' nusa barwaádá' i gooiím. Asma aníng aga slaiiká niwa amorhúngií hardah, nee kuungá' aníng iri gurhaamír ar eerá'. Asma kuungá' gár tunduwa hariím geeraawo a aníng in qwal/atisá'. Asma aníng bar aga qwalaá/, kuungá' sleémeero a qwala/á' sleeme.

2 korinto 2:6

Ala heedá' gurhaami ngaa huuw, sakwasleemár aa sláy aa bu'út daxta, asma múk yaariír dirhunge inós gwa sakwasleemuút.

2 korinto 5:16

Gawaá adoorihe iimír hamí atén hee u tsatsahhaamanaaká ar adór slaqwa. Aáng atén Kristo una tsaahhaán ar adór slaqwa, ala tam adoorihe hamí u adoodár tsatsahhaamanaaká.

2 korinto 7:16

Aníng a qwalalaá/ asma aníng a insareehhír koomaaká daandeemoohunge baraá umuúqo gaaro.

2 korinto 8:22

Hhiyoó hatlá' ngu malé ya/aawaán dinkwa nee inooín. Inós atén ngwa araán daqtá yaariire, kuri tsaahhaán adór inós tar heé ilakaahaár. Nee qoomaarihe ilakaaharuuwós aa ak ló'wa doogín, asma haraxu'utír ur ga kón dirhunge.

Galatia 1:7

Ala ya/abtór hho' ar hatlá' i káhh. Mukko kuungá' nu sagaqwaareemiís i deer, oo Ya/abtór hho' ar Kristo ga warqeemiís.

Galatia 2:4

Ala hhaeekaariya' lamuuse nina qawti dahiye' baraá dinkwaadá', as amohhooaadá' atén ta koomaan baraá Kristo Yesuwo ngiwa tsee/aarina' as kahhó' atén tiwa ki/isiya' baraá lawaali'iima.

Galatia 2:6

Ala mukdá' tawa kaahi a geeraharuuse, inooín gár hatlá' taa doók i káhh gawaá tidá' aníng naa intsaahhatimisi. Ala inooín tam i uroó kon'a a gaarooká dir'eene, asma Mungú i uroó heé fadiitiiká.

Galatia 3:1

Kuungaá múk Galatia a daktanár kilá'. Heé kuungá' naa da/arin a heemá? Adór Yesu Kristo kura kikií' kuungá' aga axasé' ar adór geehhoo'.

Galatia 4:11

Aníng aga da'ayuút kuungae. Aníng ngi slaá' gadiyér naa tleéhh as kuungá' a tawo.

Galatia 4:17

Mukqaáqá' gár i slai masók kuungá' tundun uuruux amor'ínií alé, ala gár adoorí kas slai ar hhoo' i káhh. Gár inooín ta slai masók kuungá' tundun paraatl dir'eene as inooín kuungá' kiwa eehada'.

Galatia 4:20

Gár án ni slaa' masók án a dinkwa nee kuungá' hamí, as axweesante'eé' ngiwa warqees ar adór hatlá'. Án kuungá' adór nu laaq a xuaaká.

Galatia 5:12

Ala mukwí kuungá' nu tlaahhír i qamiím, alók masók tin kilooín tuu'utiyá'.

Galatia 5:7

Kuungá' ana kumité' ar adór hhoo' baraá slafingwhúng oo Krishanu'uumaro. Ala heé kuungá' naa ilaa/ a heemá, tawa kumita', looeema kiwa iialooeemisa'?

Galatia 6:17

Iimír hamí aníng hee miwa sangw daawiitiís, asma aníng a mulkoó Yesú koóm gawaá slaqwte'eene.

Filipi 3:15

Ateéká' sleémeero awa ganaa'á', gár tiwa hariím a adoorí an inslaslaawaán. Ala kuungá' bar adór hatlá' aga inslasleeré' gawaá umuúqo gaaro, Mungú muruudá' ngu kuungá' i geehhooatis.

2 Tesalonike 3:4

Asma atén harahhifo a koomaán baraá Aakoowo daanduuhunge, tidá' atén ni hara'ayiyiimaan a tlehhitá' nee slám a kumitá' kawa tlehha'.

1 Timoteo 1:20

Baraá tla/angw'ine Humenayo nee Aleksanda i dayá'. Ala inooín aníng iga paraátl amór Neetlángw i alé, as ngiwa tsaahhiya' Mungú mukuwa /ooslislín.

Filemoni 1:21

Tí ngina kuúng i gooiím asma ngiwa xuu' kuúng adoodá' án naa firiím a tléhh, nee kari harwaarahhás.