Galatia 4:8 - Biblía Axweesantá Hhohho' ar Mungú 2004

⁸ Qoomaadá' aáng kuungá' Mungú kuwa xui'iiká, kuungá' a lawaalér munguaá hatlá', ala inooín a munguiwooká.

Ya/abtór hho' 1977

⁸ Qoomaadá' aáng kuungá' Mungú kuwa xui'iiká, kuungá' a lawaalér munguaá hatlá', ala inooín a munguiwooká.

Galatia 4:8 Iomraidhean Croise

2 QOM'I 13:9

Xáy, kuungá' kaahamuusér AAKOÓ MUNGÚ tidár xwaylár Aroni nee múk tlahhoó Laáwiwo iga gusi'iikáhe, kaahamuuserhúng kari qasi'iíke adór xoordaá hatlá'? Umuúqo heewo oo naa dirhúng i hardah ar awu, laqaá gwaandaawér faanqw, un paratlá' tawa kaahamusmoohúng.

TI'INAANGW 5:2

Ala waawutmo Farao iri oó', «AAKOÓ MUNGÚ a heemá tam inós nguwa iiárií qaas, nee múk Israeli nguwa geemaw? Aníng AAKOÓ MUNGÚ u xuaaká, nee sleeme múk Israeli u geemawaaká.»

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

YEREMIA 10:25

Daa/atúw buhhtaawo daanduú xoordaá kuúng u xua'aaká, nee gawaá kudá' umuuwók ngu ateetima'aaká. Asma inooín múk Yakobo nguna tsu/iyé', nguna tsu/iyé' ngway hhaamiisiyé', yaamuuín ngiri taanguyé'.»

YEREMIA 16:20

Xáy, hee tiwa munguúwós i tleehh gaqo aleesláya? Aasla'áy, ala barnaxes gwa tleéhh, a munguú loeeká.»

YEREMIA 2:11

Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

Yohana 1:10

Inós i baraá yaamií dirii', tam yaamu nina tleehharuutiyé' ar inós, ala inós kwaa tsaahhiiká nee muu.

Tlehhema'aá ya/Abuuse 14:12

Barnaba kuri báy Seu, nee Paulo kuri báy Herme, asma inós an heé aa ak axwees.

Tlehhema'aá ya/Abuuse 17:23

Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Rumi 1:23

Inooín Munguúduú slafíngw alhhe'eesay wásl koóm kwaa xirfayeemisiiká. Ala gár inooín taa xirfayeemiís a munguiidá' taa tleéhh ar slaqsa'aá múk qaátl nee awa tsir/o, nee awa makaay, nee awa makaydá' ya'a' waslen.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 12:2

Kuungá' a xuá', qoomár kuungá' tawa pakaanáy. Qoomaadae kuungá' ana ya/aandé' tunduwa huwahuwi nee mungi'iidá' afe waslen, kudaá murslaaqat, adoodá' kuungá' tundura geeraharahaár.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

Galatia 4:3

Tam atén sleeme qoomár tawa na/ii, atén a adór lawaale tawa baraá /uuruú aleesleemuudá' waawuti'ii'iím baraakaá yaamuwo.

Efeso 4:18

nee fuqurangw'ín i baraá giwtír i dirii'. Inooín dir'ín i káhh baraá slafingwdá' Mungú i haniisi. Asma inooín gár i xuiya' i káhh, slám ta ilaiwa/amér konká.

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

1 Tesalonike 4:5

Ala kuungá' ma hootara' ar ilatleerír tlakw, adoodár múk xoordu ir hooti, kudá' Mungú gu xua'aaká.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

YOSHUA 24:2

Yoshua muu sleémeero guri báy, «AAKOÓ MUNGÚ, Munguú Israeli, i kaahi, ‹Aáng baabi'iihúng, Tera, baabuú Abrahamu, nee Nahori afaá yaaér Eufrate ngina hotaatiné'. Inooín munguaá hatlá' ngiri sagadiyuusiyé'.

1 Petro 4:3

Asma qoomaadá' aa waarahhi kuungá' sla'aarír múk Munguú xuaaká ana eehadé'. Ala a ido daxta. Qoomaadae ana hoté' ar slafíngw slasla/arén oo mure wásl, nee ar ilatleerír tlakw. Ana hoté' ar oonitime nee hheehha nee layda, nee slám ana hoté' ar slaqsa'aá munguaá hatlá' kiwa sluufmisa' adoodá' hariimaaká.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.