Galatia 4:6 - Biblía Axweesantá Hhohho' ar Mungú 2004

⁶ Asma adoodá' kuungá' tawa na/iiwós, Mungú Qeeruú Garmaawós nguna baraá muneeréní ya/aáw, kudá' ateetiím, «Baabá, Baabá.»

Ya/abtór hho' 1977

⁶ Asma adoodá' kuungá' tawa na/'iiwós, Mungú Qeeruú Garmaawós nguna ya/aáw baraá muneerén i aleeró, kudá' ateetiím, “Baabá, Baabá.”

Galatia 4:6 Iomraidhean Croise

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

YEREMIA 3:4

Aqo hamír kilá' iga atetkáhe tawa kat, «Kuúng a baabuúeé', ina slá' iimír tawa na/oó niiná.

Marko 14:36

Iri oó', «Baabuúeé', Baabuúeé', kuúng umuúqo gaaro a aleesleér. Slahh'ámuuwí dir'eene hingeeseek. Tam adoorihe adoodá' aníng ni slaa' ma tleehhaar, ala tidá' kuúng ta sla' na tleehheek.»

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Luka 11:2

Yesu giri báy, «Qoomár bar firiiriindá', an oa', ‹Baabuúrén [oo gawaá doorí dirií'], umuuwók i xirfuuti, waawuti'iimarók ni xeer, [Adór kuúng ta sla' i tleehharut baraá yaamuwo, adór gawaá dooriiwo ira tleehharút.]

Yohana 14:16

Án Baabá u firiím, nee inós alee/isusmoó hatlá' ngu haniis as iwa dirhúng wa hooti ay alhhe'eesay wasle.

Yohana 15:26

«Alee/isusmoodá' binda hardáh, kudá' ni amorhúngí ya/aaw amór Baabá wa ale Qeeruuduú looeema, kudá' amór Baabá daáhh, inós aníng i lamabu'ún.

Yohana 16:7

Ala ar aníng ni dirhúng i oo' ar ló', ‹Dirhunge a tsiní án barnaxes aga tláw. Asma aníng bara tlawiiká, Alee/isusmo i amorhúngí hardihiiká. Ala bar án aga tláw, án ngu amorhúngií ya/aáw.›

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

Tlehhema'aá ya/Abuuse 16:7

Qoomár yaamaá Misia kiwa i qón, daqeemuú Bitinia kuri iiár, ala Qeeruú Yesu aa ya/aniká.

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

Rumi 8:9

Ala kuungá' tundu sa waawuti'ii'inká nee heeuumár tlakweema, ala nee Qeeru, asma Qeeruú Mungú in baraahúng wa hoot. Heedaáduú Qeeruú Kristo gu koomaaká, inós a heé Kristowooká.

1 Korinto 15:45

Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

2 korinto 1:22

Nee slám tiri layaarós i qaás, nee Qeeruuwós nguri haniís baraá muneerén i alé as inós tawa arhaánirén.

2 korinto 3:17

Gawaá adoorihe Aako inós an Qeeru, nee didá' Qeeruú Aako i dirii'i, an didá' muu kuwa gwediiti baraá lawaali'iimaro.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Efeso 2:18

Asma baraá Kristowo ateéká' tsaraawo loohi ana slawaán ar Baabá kuwa i tseewuwaan ar baraá Qeeruú wák.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Filipi 1:19

asma aníng a xuú' alhhe'eesaywo án ti gweer, as án kuungá' iwa aleefiriiriinda' nee as Qeeruú Yesu Kristo aníng iwa alee/iimisi.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

Yuda 1:20

Ala kuungá' sla'aaruuser'eé', ti kwa/ase' baraá haratlintaaorhúng tidá' ló'wa hhoohhooe, nee firiirimé' ar baraá /uuruú Qeeruú hhoohhoó' oo Mungú.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.