Galatia 4:4 - Biblía Axweesantá Hhohho' ar Mungú 2004

⁴ Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

Ya/abtór hho' 1977

⁴ Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'iin,

Galatia 4:4 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

ISAYA 48:16

Dir'eé' tseewuwaare', tí iiárií qaasaak, iimír iimu/uungo aníng aga axweesiiká ar naaqo, iimír muruuwí iwa tleehharuuti aníng an qaroó daadáw. Hám daxta Aakoó MUNGÚ aníng iga ya/aáw nee iga qeeruuwós i haniís.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

YEREMIA 31:22

Ta baabaqaamamisa' ay xaylá, kuungaákaá inkihhimu wasl? Asma aníng gár dimbé, ar /aben daanduú yaamuwo aga tleéhh, ‹/Ameeni hhawaata gu xuún.› »

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

FAARO 28:22

Gurtuú wák un hanisá' tawa ilahhooár tlakweema hingeesa as haraki/isarhúng kawa tleehhi.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 3:15

Yesu iri oó', «Adoorí na ya/aameek, asma gár atén tiwa hariím, tí an tleehhaán as gan'amuú Mungú kuwa boo/eesaan.» Yohane iri ya/án.

Matayo 5:17

«Ma kaahaara', án nina hardáh as hara'ayár Mose nee gooír aaruuse ngiwa warqees. Aasla'áy, án naa hardihiiká ngiwa warqees, ala nina hardáh as ngiwa boo/ees.

Marko 1:15

iri káh, «Qooma aa bó/, nee waawuti'iimár Mungú naa tseewuúr. Hhu'uu'umé', nee Ya/abtór hho' haratlintiaagáy.»

Luka 1:31

Ga/aaweegáy, a tsít, na/oó garma kway xwayluúr. Umuuwós kway beer Yesu.

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Luka 2:7

na/oó garma guri xwayluúr oo baris. Guri tsiitís ar inqwaruú na/oó qawri. Guri qaatís baraá miringamoó gitsór hikwa ki qamaamin. Asma baraá doó dahaayeero pa/aangw kwaa slayká.

Luka 20:44

Daudi gun Aakoowós ar ateetín, daxta adór tar garmaawós?»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Yohana 8:42

Yesu iri oó', «Mungú geera bar baabuúhúng, án geera kuungá' iga slaé'. Asma án amór ni daahh a amór Mungú. Niri hardáh amoorí alé. Ala naa hardihiiká as sla'aarir'eé', ala án Mungú ina ya/aáw.

Tlehhema'aá ya/Abuuse 1:7

Iri oó', «Siiwadá' nee qoomaadá' Baabá aa qaás baraá aleesleemuuwose a gadiyérhungeeká kawa xua'.

Rumi 1:3

Ya/abtoorí a kángw Garmaawós, Aakoorén Yesu Kristo. Inós an hee, nee tlahhaywós oo baraakaá yaamu a tlahhoó Daudi.

Rumi 15:8

Án kuungá' nun baw Kristo aa sagadiyusmoó múk Yahudi tleehhiít, as ngiwa laqan adór muruudá' Mungú aa oó' tar ló'. Inós al'axweesantadá' aa dír baabi'iirén i oó' ga boo/ees.

Rumi 5:6

Asma qoomár atén tawa múk tlakuuse, qoomaadá' Mungú aa qaás iwa bó/, Kristo iri gwaá' as daandeemaá múk tlakuuse.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Kolosai 2:14

nee dugunoó iinaarén guna fiíts, kudá' geera atén ti iinuús tlehhema'aá yaariire. Guri hingeés, guri kikií' gawaá msalaába.

1 Timoteo 2:6

Inós kilós tina haniís tawa bu'utuú gweermór muu sleémeero. Adoorí ina tleehharút qoomaadá' Mungú aa qaroó qaás iwa bó/.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

1 Yohana 4:14

Atén aga araán kay lamabu'uumaán adór, Baabá Garma ngura ya/aáw tawa Ba/amusmoó yaamu.

1 Yohana 4:2

Qeeruú Mungú adór kur tsahha' a adoorí, «Umuúqo heé káh, Yesu Kristo nina hardáh ar baraá slaqwa.» Kwí i Qeeruú Mungú kón.