Galatia 4:26 - Biblía Axweesantá Hhohho' ar Mungú 2004

²⁶ Ala /ameenidár hatlá' an adór gixsár Yerusalemu tidár gawaá doorí dirii'. Inós an lawaalo'oorooká, nee an aayoorén.

Ya/abtór hho' 1977

²⁶ Ala gixsár Yerusalemu tidár gawaá doorí dirii' i baraá lawaali'iimaarooká. Inós an aayoorén.

Galatia 4:26 Iomraidhean Croise

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 65:18

Ala qwalaala/é' nee baraa/é' daqisleém as daanduú tí ni tlehhiita. Gixsár Yerusalemu a gixsár bara/ tleéhh, nee mukós nguri múk qwalalaá/ tleéhh.

ISAYA 66:10

Qwalala/é' dinkwa nee Yerusalemu, baraa/é' as inós kuungá' sleémeero awa inós ngi sla'á'. Qwalala/é' dinkwa nee inós kuungádá' aáng aga tsuunqumise' as inós.

HOSEA 2:2

Aayorhúng harhheehhe'eesaak, asma inós a harer'eeneeká nee aníng sleeme a hhawaatuuwoseeká. Harhheehhe'eesaak tsaatu'uumarós ngi meer, aníng mawa ga/aw, nee iseemaawós mingiwa ilatleerí múkár tleemís.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

HOSEA 4:5

Kuúng dukuutsmo u tuu' qoomár tlaatla/aango, aarusmo dukuutsmo gu tuu' dinkwa nee kuúng qoomár xweeraawo, aníng aayorhúng a gaás.

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

Yohana 8:36

Gawaá adoorihe Garma burna gweér baraá lawaali'iimaro, tunda kángw kilá' wa gweér.

Rumi 6:14

Asma kuungá' tlakweema nu aleeslay'aaká nuwa sa waawuti'ina'. Asma kuungá' dír tay dir'a' a baraá waawuti'iimár hara'ayarooká, ala kuungá' a baraá waawuti'iimár gurtleemu.

Rumi 6:18

Hám kuungá' tunda baraá lawaali'iimár tlakweemaá wa gweér, nee daxta kuungá' a lawaalér gan'amu.

Galatia 4:22

Asma kaa gooín Abrahamu daaqaay ngu kon a tsár. Garmoó wák oo /ameenidár lawaalo'o nee oo hatlá' oo /ameenidár lawaalo'oorooká.

Galatia 4:25

Asma Hagari a adór tloomár Sinai, tidár baraá yaamaá Arabiárí dirii'. Inós a slaqás nee gixsár Yerusalemu, tír hamí. Asma inós nee na/iiwose i baraá lawaali'iimárí dirii'iyá'.

Galatia 5:1

Kristo atén tina gweér baraá lawaali'iimaaro as atén tawa hootaan ar adór múk lawaaleerooká. Gawaá adoorihe sihhiité', ma ya/aamara' tunduwa malé tseegi baraá lawaali'iima.

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

1 Petro 2:16

Kuungá' a múk taa gweér baraá lawaali'iimár wa ale. Gawaá adoorihe gweermoosíng tunduwa gweér masók a Mungú un sagadiyuusá', ala ma tlakweemár lu/u/umaara'.

Geehhoeemaá 12:1

Layár ur iri geehhouúr gawaá doorí wa ale. Layaarí a /ameenír taa tsiitiís ar tsee/amá, nee slahhaangw i baraá tsa/a'aá ya'aawós i dirii'. Nee gár gawaá sagós a slamángw tsatse/uú mibaá nee tsár.

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.