Galatia 4:19 - Biblía Axweesantá Hhohho' ar Mungú 2004

¹⁹ Laqwalor'eé', aníng a ló'wa slahhahhaá' as kuungá' nuwa malé laqwaal, ay dír Kristo i geehhoouy baraahúng wa ale.

Ya/abtór hho' 1977

¹⁹ Na/'iieé' awa sla'aaruúse, aníng a slahhahhaá' ló'wa ale as kuungá', nuwa malé laqwaal, ay dír Kristo i geehhoouy baraahúng wa ale.

Galatia 4:19 Iomraidhean Croise

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

Luka 22:44

Yesu iri ló'wa kumiít firooro as adoodá' muunaáwós iwa ló'wa gurhaamuuti, tam hameerós iri adór tseere tleehhít, iri yaamií taxaán.]

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

2 korinto 12:14

Qaytsité', gaarí a sagaáwa tám aníng niwa amorhúngií daqeemuú slaa'. Nee án kuungá' nu huwár ar awaaká. Asma aníng gár ni leelehhiit a muruuhungeeká, ala a kuungá'. Asma a hariímarooká na/ii mura' nguwa burumburina' as xwaylité, ala a xwaylité mura' gun burumburiín as na/ii.

Efeso 4:13

Gawaá adoorihe atén sleémeero wakleeli'iima a i hardahaán as Garmoó Mungú nguwa haratlintiaán nee nguwa xu'uti hhe'eesaán, tam atén tari kwa/aán baraá heeuumarene, ar uraydá' ta slawaan as tawa ganaa'aan baraá Kristowo.

Efeso 4:24

Munér /aben slawaak, ar taa tleéhh ar tlehhemuú Mungú, tidá' ti laqaqaam ar slafíngw ganaá' nee oo hhoohhoó', slafingwdá' looeemaá wa hariím.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 2:5

Kuungá' masók muunuú adór kuduú Kristo Yesu un koondá'.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

Kolosai 2:1

Gár ni slaa' masók kuungá' an tsahhá' adór aníng nir daawiimiit as kuungá', nee as múk yaamaá Laodikia, nee as kudá' hatlá' sleémeero awa aníng iga ari'iiká.

Kolosai 3:10

Munér /aben kari sleeré'. Muneerí /aben baraahunge ka /abeemiis umuú daqto nee Mungú, tleehharusmoowós, ar slaqsoó Mungú. Gawaá adoorihe munerhúng in kumít Mungú nguwa tsaahha hhe'es.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Tesalonike 2:7

Ala geeraawo a gár hariim atén ar yaariir kawa dirhúngií sla'aan as atén tawa ya/abuusér Kristo. Ala qoomár atén tawa tla/angwhúng i diriiaan, atén a múk tsatsaa'arén dirhunge, adoodár aayo na/iiwós ngir amohhe'eemaamis ar tsatsaa'areema.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

Filemoni 1:10

Aníng kuúng u firiím as na/ay'eé' Onesimo. Inós aníng una laqwaál ar baraá Yesu baraá tsegmoó wa ale.

Filemoni 1:19

Anuú Paulo al'axweesantí ngina gooiím ar dakw'eé' oo kilá', aníng ngi buú'. A mak sla'aaká uwa inslawtis adór kuúng tar iinar'eé' koón. Iinadá' a slafiingók oo kilá'.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.

1 Yohana 2:12

Kuungá' laqwalór ninakw, kaangwí nguna dirhúngií gooiím, asma tlakweemaahúng kaa gurtláy ar baraá umuú Yesu.

1 Yohana 5:21

Laqwalór ninakw, munguaá lamto ti harmagahhe'.

3 Yohana 1:4

Qwal/uú úr oo kwí gu baá/ i kaahh, kwí naa axaás tawa kaahi, «Na/iieé' i baraá looeemaá wa hootiyá'.»