Galatia 4:14 - Biblía Axweesantá Hhohho' ar Mungú 2004

¹⁴ Ala tam adoorihe án kuungá' iga waaqai'iiká laqaá aga xin'i'iiká as adoodá' aníng ni dirii'. Ala ina ilaoté' adór malaykamoó Mungú wa ale, nee adór Kristo Yesu inósuú kilá'.

Ya/abtór hho' 1977

¹⁴ Ala tam adoorihe án kuungá' iga waaqai'iiká laqaá aga xin'ii'iiká as adoodá' aníng ni dirii'. Ala ina ilaoté' adór malaykamoó Mungú wa ale, nee adór Kristo Yesu inósuú kilá'.

Galatia 4:14 Iomraidhean Croise

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

2 SAMUELI 19:27

Ala inós aníng ina kaantaatín dirógí ale, aakooeé' waawutámo. Ala kuúng, aakooeé' waawútmo, kuúng a adór malaykamoó Mungú. Umuúqo gár ta aán ar qoom dir'eé' tleehhang.

YOBU 12:5

Heé baraá palaaxi tsuunqumis gu waaqaqaa', tsuunqumis deelo sleémeero oo múk baraá slahh'amu.

WARA'AMI 119:141

Aníng ti niiná, ti waaqaqaa'. Tam adoorihe hara'ayarók a gunqareesaaká.

DAHARUSMO 9:16

Ala aníng an kah, sagalooa a tsiní ta /uuruuwo tam sagalooár narkutmo i waaqa'atita, laqaá tam axweesantós heé ga axamiís i kahhi.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

Matayo 10:40

«Heé kuungá' naa ilaoh, a aníng ina ilaóh, nee heé aníng iga ilaoh, a kudá' aníng iga ya/aaw guna ilaóh.

Matayo 18:5

Hee bar na/oó wák oo adór kwí gwa ilaóh ar umuueé', a aníng ina ilaóh.»

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

Yohana 13:20

Án a kah, umuúqo heewo oo aníng naa ya/aáw, nee inós kuri ilaaóh, heedaádá' gwa ilaaoh a aníng ina ilaóh. Nee kudá' aníng iga ilaaoh, a kudá' aníng iga ya/aaw guna ilaaóh.»

1 Korinto 1:28

Nee slám tidá' taa gaárií xuiiká nee muu, nee tidá' taa waaqaá', tidá' gaa wasl, Mungú gana tsawaár, as tidá' afhhamít ngiwa dahhi.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

Galatia 3:26

Asma kuungá' sleémeero a na/aá Mungú asma Yesu Kristo ugwa haratlintié'.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 4:13

Kuungá' a insleerá' án Ya/abtór hho' gár ngisa alki/iít har geeraawo dirhunge a adoodá' niwa wananaa'.

Galatia 4:15

Qwal/uuhúng kudá' úr oo qoomaadae ta koonda' i amá daxta? Asma aníng a insláw adór qoomaadae kuungá' tar ya/aandá' ilaahúng kiwa tu/uunda' bar geera in ya/aanda ngiwa aníngií hanisa'.

1 Tesalonike 2:13

Gár hatlá' ar Mungú kuwa sluufmiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiárií qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.