Galatia 3:29 - Biblía Axweesantá Hhohho' ar Mungú 2004

²⁹ Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Ya/abtór hho' 1977

²⁹ Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Galatia 3:29 Iomraidhean Croise

Matayo 3:9

Slám ma baraá munerhúngií kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

1 Korinto 15:23

Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

2 korinto 10:7

Kuungá' muruudá' dír geeraahúng i dirií' na ga/aawaak. Xáy, hee i deéro oo ti haraxuú' adór inós tar heé Kristo? Bir deer, adoosíng i qoón. Ala inós gár kuwa hariím a kaangwí nguwa aldakwi adór atén sleeme tar múk Kristo adór inós wa ale.

Galatia 3:16

Ala Mungú al'axweesantós gana oó' dír Abrahamu nee oo wák baraá xwaylarose. Al'axweesantí i katká, «dír xwaylarós.» Gawaá adoorihe a dír múk yaariireeká. Ala al'axweesantí gár i kat a «dír oo wák baraá xwaylarose.» An heé wák, nee heewí an Kristo.

Galatia 3:18

Atén aali an slawaán as Mungú al'axweesantós ngiwa boo/eés. Ala a slawanaaka as hara'aya kawa eeharaharaán. Asma Mungú aali gana amór Abrahamú i haniís, as ngiwa dirósí al'axweés.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 3:7

Gawaá daanduú axweesantihe kuungá' a tsahhá' asma múk aa haratlintii' an xwaylár Abrahamu.

Galatia 4:1

Gár án ni kah a tí, aaliitmo qoomár tawa na/aay a dimbeheeká nee lawaalmoowo, tam mura' sleémeero a kose.

Galatia 4:7

Ala bar adoosíng kuúng daxta a lawaalmoowooká, ala kuúng a na/aay. Ala kuúng bar na/aay, kuúng a aaliitmo sleeme, oo taa aaliitmo tleéhh nee Mungú.

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

Galatia 6:16

Mungú wayda ngu haniisi, nee gurtleemu, dír kudá' sleémeero naa ya/ane' kaangwí eeharto baraá slafingw'ine, tam dír múk Mungú sleémeerowo.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 11:18

kudá' Mungú aa i axweés aáng iwa oó', «Xwaylár Isaka an tidá' ta babay xwaylarók.»

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.