Galatia 3:22 - Biblía Axweesantá Hhohho' ar Mungú 2004

²² Gooi ngaa geehhooés alki/ituuwo adór tlakweema nira baaliné' dír muu sleémeerowo. Adoorí kana geehhooeés as kahhó' mukdá' Yesu Kristo gwa haratlintii', aalidá' taa al'axweés kawa slay.

Ya/abtór hho' 1977

²² Gooi ngaa geehhooés alki/ituuwo gídaabá tlakweema naa baaliné' dír muu sleémeerowo. Adoorí kana geehhooeés as mukdá' Yesu Kristo gwa haratlintii', aalidá' taa alqadín ngiwa slay asma haratlintaaor'ín.

Galatia 3:22 Iomraidhean Croise

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

Marko 16:16

Oo gaa haratlintatii' kway baatiís ba/ama ga sláy. Oo gaa haratlinti'iiká ku sakwasleemuut.

Yohana 12:46

Aníng nina baraá yaamií hardáh, as niwa gwa/aateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Yohana 20:31

Ala kuká' kingina gooín, asma kuungá' kawa haratlintia' adór Yesu tar Kristo, Garmoó Mungú, nee ar haratlintaooro slafiingw kuwa umuuwós ar sleera'.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 5:24

«Án a kah, heé axweesante'eé' ga axamiís, nee kudaádá' aníng iga ya/aaw guri haratlintii', slafíngw alhhe'eesay wásl gu kón, slám i dahiiká baraá sakwasleema. Ala ina waaraáhh ar baraá gwa'ara, iri hardáh baraá slafiingw.

Yohana 6:40

Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Tlehhema'aá ya/Abuuse 16:31

Kuri báy, «Aako Yesu na haratlintieek. Daqaní kuúng a ba/aán nee múk do'oge.»

Rumi 10:9

Asma kuúng Yesu bura ya/aán ar afkók, adór inós tar Aako, nee bara haratlintí' ar muunaáwók adór inós Mungú ngura waasle/atís baraá múk aa qaátl wa ale, daqaní kuúng a ba/aán.

Rumi 11:32

Asma Mungú muu sleémeero gwa máy kuwa tseegiti baraá dee/aanu, as kahhó' inós sleémeero ngiwa gurtlay.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 3:23

Asma muu sleémeero tlakweema gaa tleéhh, nee xirfuú ta kon i kaahh dír geeraá Munguhe.

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.

Galatia 3:14

Kristo adoorí gana tleéhh, as kahhó' tsuuqaadá' Mungú aa al'axweés dír Abrahamu, xoordu ngiwa i hardihiya' ar loohír Kristo Yesu. Nee sleeme adoorí gana tleéhh as kahhó' atén Qeeruú hhoohhoó' kudá' Mungú naa dirén i al'axweés, kuwa slawaan ar loohír haratlintaao.

Galatia 3:17

Gár án ni kah a tí, «Alqado kaa qaroó tleéhh iimír aáng wa ale nee Mungú. Hara'aya niri hardát alaá kureeraá tsiire tsiyáhh nee mibeeri tám. Ala gawaá adoorihe hara'ayaarí alqadoodá' warqeesaro ga aleesleeraaká, nee tam al'axweesantadá' ngiwa hinges, tidá' taa qaroó geerií oó'.»

Galatia 3:23

Qoomár haratlintaao niwa hardatiká, atén a baraá tseegamór hara'ayár i diriiaán, ay dír haratlintaaoodá' hardah i geehhoouur.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

2 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu, ar adoodá' Mungú aa slaá', as slafingwdá' taa geerií al'axweés nguwa alki/iit, kudá' baraá Kristo Yesu i dirií'.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

2 Petro 1:4

Gawaá adoorihe tam al'axweesanoó urén nee oo afhhamít ugwa slawaán ar xirfuuwós nee /uuruuwós. Kuungá' al'axweesanaywí bura haratlintié', hhitiru'uumár baraaká' yaamu daqaní ilagowto a aleesleerá', nee tlehhmuú munguiima u sleerá'.

2 Petro 3:13

Ala Mungú al'axweesani ngina dirén i haniís, ar dooraá /aben kiwa slawaan, nee yaamaá /aben. Baraadaádae gár dáw a gan'amu. Nee atén muruuwí un haraxuaán.

1 Yohana 2:25

Al'axweesantá inós naa dirén i oó' a tí, slafíngw alhhe'eesay wásl kuwa slawaan.