Galatia 3:15 - Biblía Axweesantá Hhohho' ar Mungú 2004

¹⁵ Hháe, án slaqsoó wák ngun oó' oo baraá slafingwrén oo umuúqo daqisleém. Múk tsár bira al'axweés, heé al'axweesantadá' ga sií' laqaá ga warqeés i kaahh.

Ya/abtór hho' 1977

¹⁵ Hháe, án slaqsoó wák ngun oó' oo baraá slafiingwrén oo umuúqo daqisleém. Múk tsár bira al'axweés, heé al'axweesantadá' ga geeqáw laqaá ga warqeés i kaahh, ala al'axweesantadá' gár gaa tlehh tam muko.

Galatia 3:15 Iomraidhean Croise

1 QOM'I 16:16

Alqadoodá' aa oó' dír Abrahamu, nee al'axweesantós tidá' aa lo'ór wa /aáy dír Isaka,

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Rumi 1:13

Hhaee'eé', gár án dirhunge ni xu'utisár wa slaa' a tí, aníng aga slaá' daqtá yaariire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng as kahhó' múk ni amór Yesu i huuw nguwa slaw dirhunge, adoodá' muu ngura sláw dír múk xoordaá hatlá' sleémeerowo.

Rumi 3:5

Ala bar tlakweemaarén gan'amuú Mungú ngun geehhooeemisiyá', atén gár ta ooaan a milá? An ooána Mungú gár ganaa'aaká gaa tleéhh, as sakwasleemarós ngiwa daandeemooréní huúw? (Gaarí ana axweés ar adoodá' muu ir axweemaamisi.)

Rumi 6:19

Tí ana oó' ar slaqsoó slafíngw muu, asma kuungá' kawa tsatsahhaanda'aaká. Kuungá' aáng slaqoohúng ina hanisé' kiwa ar gadiyuusi nee slasla/ara nee dee/aanu. Tlehhmuú adoorí dee/aanu nguri huúw baraá slafingwhunge. Ala hám daxta kuungá' slaqoohúng na haniisaak kiwa ar gadiyuusi nee gan'amu. Tlehhmuú adoorí gár ni huwi a hhoohhooeesa.

1 Korinto 15:32

Baraá gixsár Efesowo ana slaáqw nee makaá xaraaslá'. Ala qoomaadae bar ana slaáqw as heeuumar'eé', gár geeraawo ni slaw a milá? Barnaxes múk aa qaatl i baloó waaslee/iiká, «Gimsé', an /ayiimaán nee an wahaamaán, asma matlo a qatlaán.»

Galatia 6:18

Hhaee'eé', Tsuuqaá Aakoorén Yesu Kristo masók i dinkwa nee kuungá'. Amin.

Ebrania 6:13

Qoomár Mungú al'axweesani ngiwa oó' dír Abrahamu, lo'o gari /aáy adór tidá' aa oó' ir tleehharút. Lo'oodá' gari /aay ar umuuwós inósuú kilá', asma oo úr oo inós gu baá/ i kaahh, oo lo'o ngir huwi.

Ebrania 6:16

Hee barnaxes lo'o ga huuw, lo'oodá' gan huuw ar umuú kudá' úr oo inós gu baá/. Gawaá adoorihe kaangaani sleémeero dír muko gár ga tsaat a lo'o.

Ebrania 9:17

Asma qoomár inós bir slaaf, alqadoodá' i /uuruú koondaaká.