Galatia 2:4 - Biblía Axweesantá Hhohho' ar Mungú 2004

⁴ Ala hhaeekaariya' lamuuse nina qawti dahiye' baraá dinkwaadá', as amohhooaadá' atén ta koomaan baraá Kristo Yesuwo ngiwa tsee/aarina' as kahhó' atén tiwa ki/isiya' baraá lawaali'iima.

Ya/abtór hho' 1977

⁴ Ala hhaeekaari awa loeká, inooín ngina iinuusiyé' gídaabá Tito ku al/utli. Ala inooín laatí tina qawti dahaasiyé' baraá dinkwaadá' i alé, as amohhooaadá' atén ta koomaan baraá Kristo Yesuwo ngiwa tsee/aarina'.

Galatia 2:4 Iomraidhean Croise

WARA'AMI 119:45

Baraá hotaaeene ti baloó dinqisiiká, asma aga ilakahareés hara'ayarók ooharo.

WARA'AMI 51:12

Qwal/uú iwa ba/amís amor'eé' ki/isang, aleeslawtisáng ar qeeruuwók muunuú ilaiwa/ame nguwa slaw.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

Luka 5:38

Ala difaáír /aben dír ki qamaamin a baraá tlakwa'aá /aben awa kaahari.

Tlehhema'aá ya/Abuuse 15:1

Mukko nina Yudeár wa hardáh, hhae kiri intsaahhatimís tawa kaahi, «Kuungá' bartunda al/utliniká, adoodá' hara'ayár Mose i kat, a baloó ba/aanda'aaká.»

Tlehhema'aá ya/Abuuse 15:24

Atén aga axaasaán adór, mukko amoorén daáhh kuungá' nura daawitimiís ar axweesanay'ín, nee munerhúng ngaa xurér i qaasiyé'. Ala atén inooín ngaa ya/aawaniiká.

Tlehhema'aá ya/Abuuse 20:30

Nee slám baraá tla/angwhunge muu i ti'iit. Mukwí looeema giri warqees as eeharuuse kawa amor'ín i uuruuxi, inooín kiri eehar.

Rumi 8:15

Asma kuungá' qeeruú lawaali'iima ugwa sleeri'iiká, ala qeeruú taa sleeré', an kudá' kuungá' tawa na/aá Mungú. Gawaá adoorihe atén an ateetimaán, «Baabá, Baabá.»

2 korinto 11:13

Asma múk adoorí a ya/abuusér loeeká, ala a ya/abuusér lama. Inooín a múk gadiyér tleéhh ar al/ayma, nee slám inooín kilooín tin slaqsoó ya/abuusér Kristó tlehhiitiyá'.

2 korinto 11:17

Asma gaarí án ni kah i amór Aakoó dahhká, ala xirfayeemisuueé' kwí aníng tiwa kilooeé' xirfayeemiis, un tlehhiít adór daktantá wa ale.

2 korinto 11:20

Kuungá' a qiqtliindá' hee kuungá' burna lawaale tleéhh, laqaá hee bira daqaari'iít ar daqaari'iimarhúng, laqaá hee bur naa ohín, nee laqaá hee bur naa waaqaqaá', nee laqaá hee bur naa tlaaqarma' muúx.

2 korinto 11:26

Baraá aaiieé' awa yaariire tsaxwaá yaariir in wa /akumaamiít, tsaxwaá yau, nee tsaxwaá fisuuse, tsaxwa as múk xooror'eé', nee as múk xoordaá hatlá' sleeme, tsaxwaá baraá gixsadu nee tsaxwaá baraá darma, tsaxwaá baraá tlawi, tsaxwa as mukdá' káh inooín a hhae, ala laatí inooín a hhaeewooká.

2 korinto 3:17

Gawaá adoorihe Aako inós an Qeeru, nee didá' Qeeruú Aako i dirii'i, an didá' muu kuwa gwediiti baraá lawaali'iimaro.

Galatia 1:7

Ala ya/abtór hho' ar hatlá' i káhh. Mukko kuungá' nu sagaqwaareemiís i deer, oo Ya/abtór hho' ar Kristo ga warqeemiís.

Galatia 4:25

Asma Hagari a adór tloomár Sinai, tidár baraá yaamaá Arabiárí dirii'. Inós a slaqás nee gixsár Yerusalemu, tír hamí. Asma inós nee na/iiwose i baraá lawaali'iimárí dirii'iyá'.

Galatia 4:3

Tam atén sleeme qoomár tawa na/ii, atén a adór lawaale tawa baraá /uuruú aleesleemuudá' waawuti'ii'iím baraakaá yaamuwo.

Galatia 5:1

Kristo atén tina gweér baraá lawaali'iimaaro as atén tawa hootaan ar adór múk lawaaleerooká. Gawaá adoorihe sihhiité', ma ya/aamara' tunduwa malé tseegi baraá lawaali'iima.

Galatia 5:10

Atén sleémeero a wak baraá Aakoowo. Gawaá adoorihe aníng kuungá' nu xurumitaaká, ala gár ni xuu' a tí, kuungá' sleeme axweesante'eé' tí a siaasia'aaká. Ala heedaádá' kuungá' nu sagaqwaareés, sakwasleemaarós ga sláy, inós tam heemahe.

2 Timoteo 3:6

Asma baraá múk adór kwihe, hhawaate i dayá' awa ti dahamiisá' baraá maraá múk i alé, nee /ameenár daktana kawa afa /aslin, tidá' tlakweema naa al'iilouyé', nee kiwa uuruxun nee ilatleerír dimbadimbé.

Yakobo 1:25

Ala heé hara'ayár ganaa' gaa i qaytsiit, tidár muu gu gweer baraá lawaali'iimaaro, nee iri baraadá' wa hoot, heedaádá' tidá' aa axaás ga gunqareesiiká, ala a gan tlehhiit. Heewí daqaní a heé amohhoó' baraá tidá' sleémeero i tlehhiiti.

1 Petro 2:16

Kuungá' a múk taa gweér baraá lawaali'iimár wa ale. Gawaá adoorihe gweermoosíng tunduwa gweér masók a Mungú un sagadiyuusá', ala ma tlakweemár lu/u/umaara'.

2 Petro 2:19

Inooín gár ta al'axweesi dír muko a kiwa gweeri baraá lawaali'iimaro. Ala laatí inooín awa kilá' a lawaalér tlehhema'aá hhitiru'uuma. Asma hee burkwa baál nee gaa, inós a lawaalmoó gadaádá'.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.