Galatia 2:21 - Biblía Axweesantá Hhohho' ar Mungú 2004

²¹ Aníng gurtleemuú Mungú u siaasiiaaká. Ala barnaxes hee ku gan'amií harafadiit as hara'aya ngiwa óh, daqaní Kristo ina tawo gwaá'.

Ya/abtór hho' 1977

²¹ Aníng gurtleemuú Mungú u siaasiiaaká. Ala barnaxes hee ku gan'amuú i harafadiit as hara'aya ngiwa óh, daqaní Kristo gár isa gwaá' a tawo.

Galatia 2:21 Iomraidhean Croise

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

YEREMIA 8:8

Xáy, kuungá' adór tar oa', ‹Atén a sagalooár koomaán, a dabér AAKOÓ MUNGÚ koomaán?› Ala ga/aawaak, goouusér lamuuse lama gaa gooiín.

Marko 7:9

Aluuwo inooín giri báy, «Ka hhoo'. Loohír hhoo' aga sleeré' ar hara'ayár Mungú kar siaasia', as kahhó' uunuuhúng kiwa ota'.

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Rumi 11:6

Mungú inooín gina tsawaár as gurtleemu, ala a as tlehhma'aá inooín naa tleehhiiti'iiká. Asma geera bar gina tsawaár as tlehhmi'i, geera gurtleemuuwós a tawo.

Rumi 4:25

Yesu kuna haniís iwa gwaai as tlakweemaarén, nee kunguri waaslee/atís as atén tiwa gan'amuú i harafaari.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

1 Korinto 15:14

Nee Kristo bira waaslee/iiká, alki/ituurén oo Ya/abtór hho' kawa alki/itaan a tawo, nee haratlintaaorhúng sleeme a tawo.

1 Korinto 15:17

Ala Kristo barnaxes aa waaslee/iiká, haratlintaaorhúng a tawo, nee kuungá' a baraá tlakweemaahúng i kahhá'.

1 Korinto 15:2

Slám kuungá' tundu ba/amis ar Ya/abtoorí, barnaxes aga kumité' Ya/abtoorí hho' kawa haratlintia' ar adoodá' aníng ngira dirhúngií alki/iít. Ala bar adoorír kumita'aaká, kuungá' daqaní ana tawó haratlintié'.

Galatia 2:16

Ala atén a xuaán adór hee kur gan'amií harafaariiká as hara'aya ngiwa eehár, ala hee kun gan'amií harafaar as Yesu Kristo nguwa haratlintií'. Atén sleeme Kristo Yesu una haratlintiiaán as tiwa gan'amií harafaari, as Kristo kuwa haratlintiiaán, ala as tlehhema'aá hara'ayaarooká. Asma heé ta gan'amií harafaari as hara'aya ngiwa eehár i kaahh.»

Galatia 2:18

Ala barnaxes aníng geera tidá' aáng naa sií' aga malé inkií/ tlehhmuuwo as kahhó' tiwa gan'amií harafaari alók a tlakusmo.

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

Ebrania 7:11

Ala hám daxta hara'aya sleémeero, tidá' taa amór múk i haniís, iimu/uungós a hara'ayaadá' taa haniís daanduú kaahamusi'iimár Mungú ar tlahhoó Laáwi. Ala gár yaahasár slaa' i deer diirihe. Barnaxes kahamuusi'iimarír Mungú ar tlahhoó Laáwi bir gan'amuú huwahúp, kaahamusmoó adór hatlá' gár nisa hardáh a milá? Asma kaahamusmoowí a adór Aroniwooká, ala a adór Melkisedeki.