Galatia 2:20 - Biblía Axweesantá Hhohho' ar Mungú 2004

²⁰ Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Ya/abtór hho' 1977

²⁰ Án nee Kristo tina alkikií'. Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Galatia 2:20 Iomraidhean Croise

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

2 korinto 5:15

Nee slám inós ina gwaá' as daanduú muu sleémeero, as mukdá' slaáf matawa kumiít hotaango as inooín kilooín, ala ta hooti as kudaádá' aa gwaa' nee iri waasleé/ as inooín.

Rumi 6:8

Ala atén barnaxes aga qatlaán dinkwa nee Kristo, a haratlintatiaán adór atén tar slafaán sleeme dinkwa nee inós.

Galatia 6:14

Ala aníng ti baloó xirfayeemiisaaká gawaá umuúqo gaaro, aqo har msalaábár Aakoorén Yesu Kristo. Gawaá msalaábarihe muu sleémeero kwa kikií' dir'eene, nee aníng taa kikií' dír muu sleémeerowo.

2 korinto 13:5

Kuungá' ti kiloohúng aldakute', xáy, a baraá haratlintaaór i dir'á'a? Kuungá' ti kiloohúng iiade', laqaá kuungá' a tsahha'aakáhe adór Yesu Kristo ir baraahúngií dirii'? Ala bir kaahh, daqaní kuungá' tunda sií'.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

1 Tesalonike 5:10

Inós atén tina sa gwaá', as atén tawa hootaan dinkwa nee inós, barnaxes a slafaán laqaá barnaxes aga qatlaán.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Galatia 1:4

Aakoorén Yesu Kristo adoodá' Mungú Baabá aa slaá' gana tleéhh, tiri haniís as daanduú tlakweemaarén, as atén tiwa ba/amisi baraá yaamuuká' tlaakwe awa de'emuuká'.

Yohana 17:21

Inooín sleémeero masók a wákleeli adoodá' kuúng Baabá tar baraaeé' i diri', nee án nir baraawók i dirii'. Inooín sleeme masók i baraarén, as múk aa haratlintii'iiká ngi tsaahhi adór kuúng tar kudá' aníng iga ya/ap.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.

Efeso 3:17

as Kristo iwa baraá munerhúng wa hooti ar haratlintaao. Án Mungú u firiiriím as kahhó' kuungá' dee/aruuhúng nee iihhafiirirhúng iwa baraá sla'aari,

Galatia 3:11

A gár geehhoo' adór hee kur gan'amií harafaariiká dír geeraá Munguhe ar loohír hara'aya. Asma kaa gooín, «Heé gan'amuú koóm, slafiingw gu kón as haratlintaao.»

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Rumi 1:17

Asma baraá Ya/abtór hhoe loohír Mungú kaa geehhooatís ar hee nguwa gan'amií harafaari as haratlintaao. Nee loohirí i haratlintaaór huwaahúp sleeme. Asma Gooi i kat, «Heé gan'amuú koóm gár ir slafi a haratlintaao.»

2 korinto 13:3

Asma kuungá' gár ta leelehhita' a layár ga laqaqaam adór Kristo ira axweés ar aníng. Kuungá' adór inós kur daqatlaakweeká aqo aandá' qoomár bundu sakwasleemuut, ala /uuruuwós gun laqán dirhunge.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

Yohana 10:11

«Aníng a de'eemusmoó hhoó'. De'eemusmoó hhoó' slafiingós gun duux as daanduú bee/aangw.

Yohana 6:57

Asma adoodá' Baabuúeé' kudá' slaáf aníng ira ya/aáw, nee aníng a slaáf as Baabá, gawaá adoorihe heé aníng iga /aay i slaaf sleeme as aníng.

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Yohana 15:13

Hee i kaahh oo sla'aarír ur ga koóm, ar tí ga baa/, ar hee slafiingós nguwa haniisi as daanduú mulqeerós.

Galatia 2:16

Ala atén a xuaán adór hee kur gan'amií harafaariiká as hara'aya ngiwa eehár, ala hee kun gan'amií harafaar as Yesu Kristo nguwa haratlintií'. Atén sleeme Kristo Yesu una haratlintiiaán as tiwa gan'amií harafaari, as Kristo kuwa haratlintiiaán, ala as tlehhema'aá hara'ayaarooká. Asma heé ta gan'amií harafaari as hara'aya ngiwa eehár i kaahh.»

2 korinto 10:3

Ar ló', atén a múk baraakaá yaamu, ala atén a slaqwanaaká adór slaqwarár múk baraaká' yaamu.

Yohana 6:69

Atén aga haratlintiaán, slám aga xuaán adór kuúng tar Kudá' hhoohhoó' oo Mungú.»

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

2 korinto 1:24

Atén a sla'anaaká kuungá' nuwa hara'ayiimaan, daanduú haratlintaoorhunge. Ala atén nee kuungá' an algadiyuusaán as qwal/uuhúng, asma kuungá' aga kwa/é' baraá haratlintaaorhunge.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Efeso 5:25

Kuungá' hhawaáte, tlaawayhúng sla'aak, adoodá' Kristo mukós ngura slaá' sleeme, slafiingós guri duúx as inooín.

2 korinto 5:7

Asma baraakae atén an hootaán ar haratlintaao, ala muruuwí ugwa araniiká.

Yohana 3:35

Baabá Garma gu slaa'. Inós mura' sleémeero gwa dabaá Garmií qaás.

1 Yohana 4:14

Atén aga araán kay lamabu'uumaán adór, Baabá Garma ngura ya/aáw tawa Ba/amusmoó yaamu.

Tlehhema'aá ya/Abuuse 8:36

Tari kumiít loohiro, tari hardáh dír ma'aay i dirii'iya'. Heedaádá' iri oó', «Qaytsiít, ma'aay diirihe i dayá'. Gár aníng i il/aam a milá, ar tis baatisiiká?» [

Matayo 4:3

Neetlaangw guri i daqáy, guri báy, «Kuúng barqo Garmoó Mungú, tlaa/anoowí i ilawatseek i muruú /ayma tleehhiti.»

DAA'AANGW 7:10

Aníng ar sla'aarusmooeé', nee inós in ló'wa slaa'.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 4:25

Yesu kuna haniís iwa gwaai as tlakweemaarén, nee kunguri waaslee/atís as atén tiwa gan'amuú i harafaari.

Rumi 5:6

Asma qoomár atén tawa múk tlakuuse, qoomaadá' Mungú aa qaás iwa bó/, Kristo iri gwaá' as daandeemaá múk tlakuuse.

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

Rumi 8:10

Ala barnaxes Kristo i baraahúng wa hoot, daqaní slaqwtahúng aa gwá' as tlakweema, ala qeeruuhúng i slaaf asma kuungá' tunda gan'amuú i harafaár.

Rumi 14:7

Asma baraá tla/angwrene heé hoót as inós kilós i kaahh, laqaá heé gwaá' as inós kilós i kaahh sleeme.

1 Korinto 6:17

Ala heedaádá' taa haragaas dír Aako, heedaádá' qeeruuwós nee Aako aa wák tleehhiít.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

2 korinto 11:10

Adoodá' looeemaá Kristo ir baraaeé' i dirii'iya', xirfuuwí ku baloó hingeesiiká dir'eene baraá yaamaá Akaya sleémeerowo.

Filipi 1:21

Asma dir'eene slafiingw an Kristo, nee gwa'ara gár ak hhoo' ngi húp.

Ebrania 8:3

Umuúqo kaahamusmoó úr oo Mungú kuna qaás as Mungú nguwa qeemií haniisi, nee hikwa ngiwa tsu/i ilahhooár wa ale. Gawaá adoorihe tam kaahamusmoorén kwí oo úr sleeme gár kus hariím masók gár i ilahhooár wa haniisi in deer.