Galatia 2:12 - Biblía Axweesantá Hhohho' ar Mungú 2004

¹² Inós nee múk xoordaá hatlá' tana al/ayín, mukko niri hardáh oo tinda ya/aáw nee Yakobo Yerusalemúr wa ale. Mukdá' niwa hardáh, Petro tiri paraátl dír mukduú xoordaá hatlae, dír /ayma gari geexáy, asma i múk Yahúdír da'ayumiit, kudá' káh, múk xoordaá hatlá' ku al/utlin.

Ya/abtór hho' 1977

¹² Inós ina al/ayín nee múk xoordaá hatlá', mukko niri hardáh oo tinda ya/aáw nee Yakobo Yerusalemúr wa ale. Mukdá' niwa hardáh, Petro tiri paraátl dír mukduú xoordaá hatlae, dír /ayma gari geexáy, asma i múk Yahúdír da'ayumiit, kudá' káh gídaabá, múk xoordaá hatlá' ku al/utlin.

Galatia 2:12 Iomraidhean Croise

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

ISAYA 65:5

Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

Luka 15:2

Múk Farisayo nee intsaahhatuusér hara'ayár Mose tay qununuú/ ta kaahi, «Heewí mis tlakuusér dahi'iimis, slám nee inooín i al/ayiná'.»

Luka 5:38

Ala difaáír /aben dír ki qamaamin a baraá tlakwa'aá /aben awa kaahari.

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Tlehhema'aá ya/Abuuse 12:17

Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', «Kaangwí amór Yakobo ti hardahase' nee hha'aá hatlá' sleeme.» Iri tláy amór hatlá'.

Galatia 2:14

Aníng adór tlehhmi'ii'ín nee looeemaá Ya/abtór hho' tir slaslay'aaká ngiwa tsaáhh, Petro nguri iigahhaát dír geeraá muu sleémeeró wa ale, nguri báw, «Kuúng a heé Yahudi, kuúng an hót tawa adór heé xoordaá hatlá', a adór heé Yahudirooká. Ala kuúng adór múk xoordu kur harakeemis a adoomá, ar tawa hooti adór múk Yahudír aleeró.»

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Efeso 2:15

Qoomár wakaari ngiwa hingeés, an qoomaadá' dabe ngiwa hingeés dinkwa nee hara'ayaro, ar slaqwtós. Gawaá adoorihe baraá mukwí tsaraawo heé /abén oo wák guri tleéhh ar baraawós. Wayda guri tleéhh ar adoorí.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

1 Tesalonike 5:22

Ti paratle' dír umuúqo gár tlaakwe.