Galatia 1:8 - Biblía Axweesantá Hhohho' ar Mungú 2004

⁸ Ala bar atén laqaá tam malaykamoó gawaá dooraá daáhh barnaxes ya/abtór hho' ar hatlá' nga alki/iít, ar nee tidá' atén naa alki/iitaán ti slaslaawa'aaká, inós ku lu'usi.

Ya/abtór hho' 1977

⁸ Ala bar atén laqaá tam malaykamoó gawaá dooraá daáhh barnaxes ya/abtór hho' ar hatlá' nga alki/iít, ar nee tidá' atén naa alki/iitaán ti slaslaawa'aaká, inós ku lu'usi nee Mungú.

Galatia 1:8 Iomraidhean Croise

IIMU/UUNGW 9:25

iri oó', «Kana'ani ku lu'usi, inós a lawaalmoó kilá' oo hhaeewós.»

1 WAAWITÁ 13:18

Aakooduú Beteli iri oó', «Aníng a aarusmo adór kuúng wa alé, AAKOÓ MUNGÚ nee aníng aga axweesaán ar loohír malaykamoowós ina báy, ‹Heesíng ki/isang amór do'ók, muruú /ayma ngu /ayi nee ma'aay ngi wahi.› » Ala aakoodá' heedaáduú AAKOÓ MUNGÚ gun tawó al/agín.

NEHEMIA 13:25

Ina iigahhaát, ngiri lu'umís, bahh'ale ngiri muúx, kookariya' ina se'eengw uuruxuúm. Ina /uurutimís ngiwa lo'ór /aymiis ar umuú Mungú ngiwa babaw, «Dasuuhúng mukuwa duxuút nee daaqay'ín, tam daaqayhúng dasuuín munguwa duxuút, laqaá tam kuungaá kilá'.

YEREMIA 23:16

AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

YEREMIA 23:36

Ala daanduú huwár AAKOÓ MUNGÚ mukuwa malé oó', asma tidá' hee i axweesi an huwaarós ar kilá'. Nee muu axweesantá Munguúdá' slaáf gan paslmis. Inós an AAKOÓ MUNGÚ Aleesleemusmo Munguúín.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Marko 14:71

Iri oó', «Án heesíng ta kata' burqo xuú', ni gwaá'.»

Tlehhema'aá ya/Abuuse 23:14

Tari daqáy dír kaahamuusér uren ar Mungú, nee bariise, tari oó', «Atén lo'o aga /ayaán ar tawa gaa tsaqaanaaká ay dír Paulo kway gaasaan.

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' tlaahhír qamiima nee kudá' dukuutsér qamiima. Asma inooín intsaahhasadár haratlintaao kuungá' taa sleeré' kaa sií'. Kuungá' ti paratle' dir'ine.

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.

1 Korinto 12:3

Gawaá adoorihe án kuungá' nu xu'utís hee i kaahh oo axweés ar baraá Qeeruú hhoohhoó' oo Mungú oo káh, «Yesu ku lu'usi.» Nee slám heé taa geerahariiká nee Qeeruú hhoohhoó' oo Mungú, ga aleeslayká iwa ooi, «Yesu a Aako.»

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

Galatia 1:9

Adoorí ngina ooaán, nee ala hám ngin malé inkií/ ooaro, umuúqo heewo oo ya/abtór hho' ar hatlá' ngaa alki/iit, ar nee tidá' kuungá' taa ilaoté' ti slaslaawa'aaká, inós ku lu'usi.

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Tito 3:10

Heé partlitór huwahuúw bir deer, naanaaqeek har geeraawo, tam sagaáwa tsár sleeme. Ala bira sií', sieek.

YOSHUA 9:23

Asma adoorí kawa tlehhé', Mungú kuungá' naa lu'ús, mukhúng i lawaale tleehhiit, migír kun tlaaq, nee a hheekuusér ma'aá doó Munguú Israeli.»

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›