Galatia 1:11 - Biblía Axweesantá Hhohho' ar Mungú 2004

¹¹ Hhaee'eé', aníng gár ni xu'utisár wa slaa' dirhúngií aleeró a tí, Ya/abtoodá' hho' naa dirhúng i alki/iít a gár hee aa iimu/uniká.

Ya/abtór hho' 1977

¹¹ Hhaee'eé', aníng gár ni xu'utisár wa slaa' dirhúng i aleeró a tí, gídaabá, Ya/abtoodá' hho' naa dirhúng i alki/iít a gár hee aa iimu/uniká.

Galatia 1:11 Iomraidhean Croise

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

1 Korinto 11:23

Asma aníng intsaahhastí ana dír Aakoó wa ilaóh, nee ngiri kuungá' i oó', tí kah, Aakoorén Yesu xweeraadá' kuwa sakií/, mukaatmo guna taataáhh,

1 Korinto 3:4

Asma baraahunge kooko i kaahi, «Aníng a heé Paulo», nee kuqá' i kaahi, «Aníng a heé Apolo.» Ala bar adoorí kuungá' a adór múk baraaká' yaamuúwoóke?

1 Korinto 9:8

Aníng axweesanaywí ngu kaáha ar heeuuma? Ahaá, hara'aya sleeme adoorí ga kátke?

Galatia 1:1

Anuú Paulo barwaári ngina gooiím. Aníng a ya/abusmo. Aníng múk iga ya/aaw i kaahh, laqaá heé iga ya/abusmoó wa qaas tleehh i kaahh. Ala án heé iga ya/abusmoó wa qaas a Yesu Kristo inósuú kilá'. Slám nee Mungú Baabá, kudá' Yesu Kristo ngwa waaslee/atis baraá múk aa qaátl wa ale.

Galatia 1:6

Aníng a ló'wa waa/oo/amiím as kuungá'. Asma kuungá' Mungú ugwa geexeeré' ar gaanslaay, kudá' kuungá' naa ateet as gurtleemuú Kristo, nee kuungá' ya/abtór hho' ar hatlá' kari i warqeeré'.