Galatia 1:10 - Biblía Axweesantá Hhohho' ar Mungú 2004

¹⁰ Kuungá' ka xua', aníng axweesanaywí un axweésa, as muu aníng iwa ya/an, laqaá Mungú? Kuungá' ka xua' aníng gár ni leelehhiit a sla'atisár múko? Án barnaxes tam hamí a kumiít muu nguwa sla'atimis, daqaní aníng a sagadiyusmoó Kristowooká.

Ya/abtór hho' 1977

¹⁰ Kuungá' ka xua', aníng axweesanaywí un axweésa, as muu aníng iwa ya/an? Laqaá a gídaabáhe gár ni leelehhiit a Mungú aníng in ya/án? Kuungá' ka xua' aníng gár ni leelehhiit a sla'atisár múko? Án barnaxes tam hamí a kumiít muu nguwa sla'atimis, daqaní aníng a sagadiyusmoó Kristowooká.

Galatia 1:10 Iomraidhean Croise

Matayo 22:16

Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Matayo 28:14

Ala kaangwí ga/aawusmo burngwa axaás, daqaní atén nee inós a axweesaán. Kuungá' ma da'ayumitaara' kangwsinge.»

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Tlehhema'aá ya/Abuuse 12:20

Herode iri ló' wa buúhh dír múk Tiro nee Sidoni. Inooín kuri hara daqáy ar muunuú wakleeli'iima. Blasto kuna mulqi'iimár i tleéhh, asma Blasto an heé doó gu'utér waawutmo gu amohhe'eemiís. Tari wayduú áy amór Herode, asma múk yaamuuín muruú /ayma dír nguwa slaslay a dír yaamaá waawutmo.

Tlehhema'aá ya/Abuuse 5:29

Petro nee ya/abuuse tari oó', «Gár atén tiwa hariím a Mungú un iialooeemisaán ta múk aleesleemuú kooma.

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

Rumi 2:29

Ala heé Yahudi oo kilá', an kudá' Yahudi'iimarós baraá muunií dirii'. Nee al/utlór kilá' a tidár muuná kuwa al/utli. Al/utloorí kan tleehh nee Qeeruú hhoohhoó' oo Mungú, slám ka tleehhiiká nee hara'aya. Heé adoorí xirfuuwós amór i dahhi a amór mukooká, ala a amór Mungú.

Rumi 2:8

Ala awa hatlá' a múk qahuuse nee kudá' looeema ngaa si'iye' as muruú tlákw nguwa eeharahariya', Mungú buhhtaawós nee xarasleemaawós ga ku'uus gawaá múk adoorí.

1 Korinto 10:33

ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

2 korinto 12:19

Án ngi slaá' qoomaarí sleémeero kuungá' a kata' atén gár tas adoorír axweesaan a tin kiloorén aleekal/aamaán dír geeraahunge, aasla'áy, a adoosingeeká. Tí ta axweesaan, an axweesaán ar baraá Kristo, dír geeraá Mungú wa ale. Ala sla'aaruuser'eé', tí sleémeero ana axweesaán as kuungá' tawa kwa/a'.

Efeso 6:6

Kuungá' masók a adór lawaaleedá' ilaá maaqumiisaaká. Ti harafade' tawa lawaalér Kristo, tidá' sla'aarír Mungú ga tlehhiít ar muunuú /awaák.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Kolosai 3:22

Kuungá' lawaále, daqaarerhúng tidá' ta sagadiyusa', ilaiwawa/aak baraá mura' sleémeerowo. Kuungá' masók a adór lawaaleedár ilaá maaqumisaaká, tidá' ti tawó sla'atimis dír múk i alé. Ala masók an gadiyusá' ar muunuú /awaák, as adoodá' kuungá' Aako kuwa ilaiwawa/a'.

1 Tesalonike 2:4

Ala Munguúdá' muneerén ga xuú', inós Ya/abtór hho' ngina atén i saayín. Atén Ya/abtoorí an alki/iitaán ar adoodá' inós i slai. Atén heé ta sla'atimisaan i kaahh, ala heé ta sla'atimisaan a Mungú kudaádá' muneerén ga xuú'.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

1 Yohana 3:9

Umuúqo heé taa laqwaali nee Mungú, tlakweema gi tlehhaahhitiiká, asma aleesleemuú Mungú i baraawós i dirii'. Slám i kumiitiiká tlakweema tlehhtuwo, asma inós a na/oó Mungú.

1 SAMUELI 21:7

Baalaarihe heeko wák oo sagadiyusmoó Saulo i deer, kudá' taa qaroó ilaá/ dír geeraá AAKOÓ MUNGÚ. Sagadiyusmoowí umuuwós a Doegi, oo xoorór Edomu, heé úr oo de'eemuusér Saulo ga sagesihhmiít.