Filipi 4:7 - Biblía Axweesantá Hhohho' ar Mungú 2004

⁷ Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

Ya/abtór hho' 1977

⁷ Nee wayduú Mungú, kudá' tsaahharo ta aleeslawaanaaká sagaalooarene, munerhúng ngi de'en, nee inslawayhúng baraá Kristo Yesuwo.

Filipi 4:7 Iomraidhean Croise

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

YOBU 22:21

Aá Yobu! Mungú ya/aameek as wayda kuwa sleer, daqaní hhooeema i sleér.

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

WARA'AMI 29:11

AAKOÓ MUNGÚ mukós gu /uurií haniis, AAKOÓ MUNGÚ mukós gu tsuuq ngway waydií haniis.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

AXWEESANOÓ SAGALOOA 2:11

Daqaní sagalooa kuúng u de'eén, nee tsaahha kuúng uri amohhe'és.

AXWEESANOÓ SAGALOOA 4:6

Sagalooa ma baloó mawaar, daqaní inós kuúng u amohhe'és, slaeek, daqaní inós kuúng u xuún.

AXWEESANOÓ SAGALOOA 6:22

Bar hi'iimít baraá loohiro u geerahát, bara qát u xuún. Qoomár bar dalá' in axwés nee kuúng.

ISAYA 26:12

Aá AAKOÓ MUNGÚ, kuúng wayda nguna aténí hanís, kuúng gadiyeérén sleémeero ana tléhh as atén.

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 48:18

Hám geera a tsiní bar hara'ayar'eé' aga iiárií qasé'. Daqaní wayduú yaariír u sleerá' adór ma'aá yaae, geera hotaá ganaa'á' dirhunge tay adór gwaanduú ma'aá tlawi.

ISAYA 48:22

AAKOÓ MUNGÚ i kaahi, «Dír múk tlakwe wayda i kaahh.»

YEREMIA 32:16

Alaá gooidá' taa gooín haniisaro ngiwa hhe'eés dír Baruku, garmoó Neria, gooidá' taa gooín as qaymo tawa te'eé'. AAKOÓ MUNGÚ una firiím, niri oó',

YEREMIA 33:6

Tam adoorihe aníng gixsarí a hungu/uús, nee mukós nguri slaqwa hhooár i ki/ís, aníng gixsarí ngiri wayduú yaariírií haniís nee saxareemawo.

FAARO 6:26

AAKOÓ MUNGÚ nuwa hhooay nee nu waydií haniisi.›

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydií hardah.»

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 8:6

Asma muruudá' hee i slai baraá heeuumarose, gár ni huwi a gwa'ara. Ala muruudá' Qeeru i slai, gár ni huwi a slafiingw nee wayda.

2 korinto 10:5

Nee slám gár atén ta fee/itaan a umuúqo inslawaywo, kudá' il/aám, oo daara/ángw koóm, oo taa tleéhh as hee kángw Mungú munguwa xuú'. Atén umuúqo inslawaywo un ohiimaán, nee kuwa iialooesaan dír Kristo i alé.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Filipi 1:2

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

Filipi 4:19

Nee Munguúeé' kudá' xirfuú koóm baraá Kristo Yesuwo, tidá' sleémeero kuungá' ta sla'a' ngi haniis ar har qoomoó daqaari'iimarós.

Filipi 4:21

Umuúqo heewo kudá' hhoohhoó' oo Mungú intsihhiisaak, kudá' baraá Kristo Yésú ii dirií'. Hhaeedá' nee aníng dinkwa kuungá' nu intsihhiimisiyá' sleeme.

Filipi 4:9

Muruudá' taa dir'eé' wa intsahhé' nee kudá' taa ilaoté' tleehhaak, tam kudá' taa aandé' nee oo taa axasé' dir'eé' wa ale sleeme. Daqaní Munguú wayduú koóm i dinkwa nee kuungá'.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

2 Tesalonike 3:16

Aako inósuú kilá' oo wayduú hanmiís, wayda ngu haniisi dirhunge daqisleém ar baraá umuúqo loohiro. Aako masók i dinkwa nee kuungá' sleémeero.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»