Filipi 4:5 - Biblía Axweesantá Hhohho' ar Mungú 2004

⁵ Hhooeemaahúng masók i geehhoouyá' dír muu sleémeerowo. Aako naa nakaá/.

Ya/abtór hho' 1977

⁵ Hhooeemaahúng masók i geehhoouyá' dír muu sleémeerowo. Aako naa nakaá/.

Filipi 4:5 Iomraidhean Croise

Matayo 6:25

«Gawaá adoorihe, án a kah, ma daawimitaara' as slafingwhúng, tawa kata', ‹Ma /ayaán nee ma wahaán?› Laqaá slaqoohunge, tawa kata', ‹Ma tsiitaán?› Asma slafiingw a gár afhhamíteéke ta muruú /aymaaro? Nee slaqwa a gár afhhamíteéke ta tsitaywo?

Matayo 6:34

Gawaá adoorihe muruú matlo mu sadaawimitaara', asma ar matlo looarós ngisa tleér. Umuúqo baalaaro i daawiitimeerós koón ar bu'uut.»

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

1 Korinto 6:7

Ala kuungá' bar ti kiloohúng sakwasleemutá' dír geeraá sakwasleemuusér wa alé, gaarí gár i laqaaqaan a kuungá' slafiingw ugwa harslaaqaté'. Ahaá, a tsiníheéke bar aga ya/aán tam ta sadakuusi? Ahaá, a tsiníheéke bar aga qítl tam taa gaa hayohi?

1 Korinto 8:13

Gawaá adoorihe, muruú /ayma barnaxes hhiyaaeé' gu dukuutsmoó i qamín, aníng fu'unaay i baloó /ayaaká ay alhhe'eesay wasle, as aníng mawa dukuutsmo tleehhiít dír hhiyaaeene.

1 Korinto 9:25

Umuúqo heewo oo qwaátl baraá neetooro, aqo tin ilaa/ baraá umuúqo gaaro. Mukwí adoorí gan tlehhiit as slamangwdá' hhitiruút kuwa slay. Ala atén adoorí an tlehhiitaán as slamángw hhitiruutaaká kuwa slawaan.

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

2 Tesalonike 2:2

mutunduwa amoqwaareés ar gaanslaay baraá munerhunge, laqaá mutunduwa dae tsaát ar axweesanoó káh, «deeloodár Aako naa qaroó hardát». Múk adoorír axweés, kwaáo' aaru'uuma kana sláy, laqaá axweesantá amoorén daahh kana axaás, laqaá kwaáo' barwár amoorén daahh kana sláy.

Tito 3:2

Inooín muu mukuwa daandeemo axweés, ala inooín masók a múk gilimaaká nee oo hhó', nee umuúqo daqto masók a múk tsatsaa'arén dír muu sleémeerowo.

Ebrania 10:25

Slám atén dinku'uumarén mawa mamaawaán, adoodá' muu bahh'alé i tlehhahhiti, ala masók tin kilootén harakeemisaán, ak alé as deeloodá' kawa tsahha' adór nira naká/.

Ebrania 10:37

Asma Gooi i kat, «Alaá deelór niinawe kudá' hardáh niqo hardah, inós i kwahhaasiiká.

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

Geehhoeemaá 22:20

Kudá' muruuwí gu lamabu'uúm i kaahi, «Eeít, aníng ni hardáh ar gaanslaay.» Amin. Qwaláng, Aako Yesu.

Geehhoeemaá 22:7

«Ga/aaweek, aníng ni hardáh ar gaanslaay. Múk amohhoó' a kudá' axweesanoó aaru'uuma gwa oh, kudá' baraá kitaábuuwí i dirií'.»