Filipi 4:11 - Biblía Axweesantá Hhohho' ar Mungú 2004

¹¹ Aníng adoorí a kaahaaká as niwa gaa slaa'. Asma aníng umuúqo adooro aga intsaáhh.

Ya/abtór hho' 1977

¹¹ Aníng adoorí a kaahaaká as niwa gaa slaa'. Asma aníng umuúqo adooro aga intsaáhh.

Filipi 4:11 Iomraidhean Croise

IIMU/UUNGW 28:20

Yakobo al'axweesani gari qaás i kaahi, «Mungú ala kuúng bar dinkwa nee aníng, nee bir de'eén baraá aaiieene, muruú /ayma nee tsitaywo bur ngu hanmís,

TI'INAANGW 2:21

Mose iri ya/án iwa hooti doó heedaádá' wa ale. Heedaádá' guri dasiirós tidá' ta bay Sipora i haniís, ngiwa duuxi.

Luka 3:14

Askaári sleeme guri yaahás, iri ó', «Atén sleeme, adór ta laqaan?» Giri báy, «Hee mu hara/untsimaara', laqaá mu sakwasleemuutara' ar lama. Bu'utuuhúng ar bu'uutaak.»

2 korinto 11:27

Aníng aga daawimaamiít as gadiyér yaariir. Daqtá yaariire ana dalaá', nee slám ana slahhahhaá' as qwari nee waxe. Daqtá yaariire muruú /ayma ugwa slawiiká, ana slahhahhaá' as tsaaqwa nee /aankwets.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

2 korinto 9:8

Nee Mungú i aleesleemuú kón oo kuungá' nuwa tsuuqi ar yaareema ar umuúqo loohiro. Adoorí gan tleehh as kuungá' umuúqo deeloro nee baraá umuúqo loohiro masók mura' sleémeero u koondá', kudá' ta sla'a' baraá slafingwhunge. Nee slám a muruudá' kuungá' ta sla'a' kiloseeká, ala dirhunge in tlaahh, as kuungá' kawa aleesleera' umuúqo gadiyér hho' kawa alee/isa'.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

Ebrania 10:34

Kuungá' ana slahhahhaé' dinkwa nee mukdá' taa tsegiít. Slám muu muruuhúng nguwa hayohín, kuungá' adoodá' ana ya/aandé' ar qwal/amaaye. Asma kuungá' aga xué' adór daqaari'iimarhúng ar hatlá' ir deér, tidá' baloó faakaaká.