Filipi 3:7 - Biblía Axweesantá Hhohho' ar Mungú 2004

⁷ Ala muruudá' sleémeero aáng naa harafaár tawa slaasláw dir'eene, hám daxta muruudá' u harafadiít tawa /aareema dir'eene as Kristo.

Ya/abtór hho' 1977

⁷ Ala muruudá' sleémeero aáng naa harafaár tawa slaasláw dir'eene, hám daxta muruudá' u harafadiít tawa /aareema dir'eene as Kristo.

Filipi 3:7 Iomraidhean Croise

IIMU/UUNGW 19:17

Qoomár kiwa tsee/ií duúx, malaykamoó wák iri oó', «Goów, slafiingók ba/amiseek, ló' ma alií qaytaar, tam sleeme ma dír wák i sihhiitaar baraá xatstihe, ti ba/amis gawaá tloomaarí alé, as tawa gwa'aká.»

IIMU/UUNGW 19:26

Ala harér Loti ina alií qaytsít, iri uhmoó diwi tleehhít.

YOBU 2:4

Neetlaangw AAKOÓ MUNGÚ guri báy, «Kaahari nee kaahari, hee umuúqo gár i kona aqo gan duux as slafiingós nguwa ba/amisi.

AXWEESANOÓ SAGALOOA 13:8

Daqaarmo slafiingós gun tuu/ ar muruudá' i kon, Ala narkutmo gár gu de'e tlaaq i káhh.

AXWEESANOÓ SAGALOOA 23:23

Looeema leeleehheek, mi baloó waaqaa'aar, sagalooa leeleehheek nee intsaahhatisaro nee tsaahharo.

DAHARUSMO 3:6

Qoomár leelehhit nee qoomár qwaareemis. Qoomár amohhe'eemis, nee qoomár kwakwahh.

Matayo 16:26

Ala tam hee yaamu sleémeero ngi slaya, gár nguwa buiya' a milá, bar slafiingós aa qwaár? Laqaá hee gár i duuxi a umós ar slafiingós ngur ki/isi?

Marko 10:50

Inqwaarirós gari amorqií kwaáhh, iri tláy amór Yesu ar gaanslaay.

Luka 14:26

«Hee barnaxes naa hardáh amor'eé', bar baabuúwós gwaa aahhiiká, nee aayoorós nee hareerós nee na/iiwós, nee hhaaeewós, nee slám inós kilós birta aahhiiká, i eeharusmooeé' tleehhitiiká.

Luka 14:33

Gawaá adoorihe baraá tla/angwhunge heé eeharusmooeé' tleehhiít i kaahh, barnaxes muruuwós kudá' sleémeero i kon gwa geexayká.»

Luka 16:8

«Saayusmoodá' inkihhimu wásl taa daqaari'iimár i saayín, kuri xirfayeés nee daqaarmoowós, asma fuqurangwdá' aa tleéhh. Asma múk baraá yaamuuká' ta fuqurángw kón baraá slafingw'ine, ta mukduú baraá gwa/aateemaawo.

Tlehhema'aá ya/Abuuse 27:38

Tawa aáx, angaáno kuri kwaáhh baraá tlawi, as iiloeema kiwa /aareesi baraá miringamoowo.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.