Filipi 3:5 - Biblía Axweesantá Hhohho' ar Mungú 2004

⁵ Aníng tina al/uútl bál dakaate, alaá tiwa xwaylúy. Aníng a heé xoorór Israeli, heé tlahhoó Benyamini, aníng a heé Ebrania, tam xwayliitér'eé' a múk Ebrania. Kángw hara'aya ooharo aníng a heé Farisayo.

Ya/abtór hho' 1977

⁵ Aníng tina al/uútl qoomár tawa na/aay, bál dakaát. Aníng a heé xoorór Israeli, heé tlahhoó Benyamini, aníng a heé Ebrania, tam xwaylitér'eé' a múk Ebrania. Iidíguú hara'aya ooharo aníng a heé Farisayo.

Filipi 3:5 Iomraidhean Croise

IIMU/UUNGW 14:13

Heeko wák ina kotsqoót, iri tláy, kaangw guri ooár áy dír Abramu, heé Ebrania. Inós aa iwiít dír ta/eewír heé ta bay Mamre, heedaáduú Amori, hhiyoó Eshkoli, nee hhiyoó Aneri. Kuká' nee Abramu tina axweesani slayé'.

IIMU/UUNGW 17:12

Umuúqo na/oó garma oo deelo dakaát ku hheehhe'eesi dirhunge, umuúqo hhawaata baraá xwaylarhunge oo taa laqwaál dó' wa alé, nee oo taa tlaáxw ar peésa, umuúqo dahaaymowo oo xwaylarogeeká,

IIMU/UUNGW 40:15

Asma ar ló', án tina fiís baraá yaamaá múk Ebrania wa alé, slám baraá yaamukae gár tlaakw ar naa tleéhh i káhh, ar tiwa dahaasi baraá doó tseegmoórí ale.»

IIMU/UUNGW 41:12

Garmoó wák oo tlahhoó Ebrania, sagadiyusmoó geeraharusmoó úr oo askaárír waawutmoó xuum, nee atén tina altsegiít. Atén kuwa tlataaréní alki/iitaán, inós tlataarén ngina waagweér, umuú heewo ar adór tlataawós i dirii'iya'.

YONA 1:9

Yona giri báy, «Aníng a heé xoorór Ebrania. Aníng AAKOÓ MUNGÚ ugwa haratlintií'. Munguúduú gawaá doori, kudá' tlawi nee yaamaá kaahaar gaa tleehh.»

Luka 1:59

Bál dakaate na/aay kuri hheehhe'eesár áy. Umuú geera kway tsattá wa slai a umuú baabuúwós Sakaria.

Luka 2:21

Bál dakaát an hheehhe'eesár na/aay, umuuwós kuri báy Yesu, adoodá' malaykamo ngura oó' iimír kuwa tsihiiká.

Luka 5:38

Ala difaáír /aben dír ki qamaamin a baraá tlakwa'aá /aben awa kaahari.

Tlehhema'aá ya/Abuuse 22:3

«Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.

Tlehhema'aá ya/Abuuse 23:6

Paulo ngiwa tsaáhh adór baraadae bahh'alé tar múk Sadukayo nee bahh'alé a múk Farisayo, iri baraá doó kwasleemár wa tseé' ar afór ur, iri oó', «Hhaee'eé', aníng a heé Farisayo, garmoó heé Farisayo. Aníng tin sakwasleemuut asma harahhifór ni koom ar múk aa qaatl kuwa waaslee/atisi.»

Tlehhema'aá ya/Abuuse 6:1

Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

Rumi 11:1

Gawaá adoorihe aníng an yaahaás, «Mungú mukós gwa sí'i?» Aasla'áy. Gwa si'iiká. Asma tam anuú kilá' a heé Israeli, oo xwaylár Abrahamu, oo tlahhoó Benyamini.

2 korinto 11:22

Inooín a múk Ebraniáro? Tam aníng sleeme. Inooín a múk Israelíwo? Tam aníng sleeme. Inooín a xwaylár Abrahamúwo? Tam aníng sleeme.

1 SAMUELI 4:6

Múk Filisti kwaara/idár tsimaahhi kawa axaás, tari oó', «Gár kwaara/irí ur ar baraá xaftá xoorór Ebrania a milá?» Kawa tsaáhh adór sandakmoó AAKOÓ MUNGÚ ira hardáh baraá xafi,