Filipi 3:19 - Biblía Axweesantá Hhohho' ar Mungú 2004

¹⁹ Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Ya/abtór hho' 1977

¹⁹ Inooín i loohír i dirii'iyá', tidár baraá qwanoó kaw. Mungúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Filipi 3:19 Iomraidhean Croise

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

WARA'AMI 52:1

Ee kawa xu', kuúng a adór migusmoówoóke, ala misti xirfayeemís as tlakweemaawók? Sla'aarír Mungú ar warqawaaká i daadeer deelo sleémeero.

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

ESEKIELI 13:19

Aníng kuungá' iga ló'wa /ooslisliindé' dír geeraá múk wa alé, as tsa/oó wák oo puuruú angaanoó shayiíri kuwa sleera' nee muruú /aymár niiná. Kuungá' múk tsu/utaro harimaaká una tsu/é', nee kudá' tsu/utaaro hariím una meeré' tsu/utaaro. Muk'eé' ugwa lameemaá babeeré', nee inooín lameemoohúng nga haratlinti'iyé'.›

ESEKIELI 34:3

Kuungá' di/i an /agá', nee tlabaá taa tleéhh ar se'éngw bee/aangw in tsititá', nee bee/ángw aa wahhdiit un tsu/á', ala kuungá' bee/aangw de'eengo ugwa meeré'.

HOSEA 4:7

Adoodá' kaahamuuse ira tláhh, an adoodá' tlakweema ngira aníng i tlehhiitiyé', gawaá adoorihe aníng xirfuuín un warqeés nguri mure tleéhh.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 3:5

AAKOÓ MUNGÚ i kaahi, «Aaruuse muk'eé' gu sadakumís, asma hee barnaxes ngwa gaárí haniís, gun bay, ‹Wayda u sleér,› ala hee bar gaa ngaa haniisiiká, gun i aarín iwa kaahi, ‹Slaqwara ga sláy.› »

MALAKI 1:12

Ala kuungá' umuueé' un slasla/aremisá', asma tawa kata', ‹Kitangwduú ilahhooa kay hanmaamisi kwaa slasla/areés, nee muruú /aymaadá' taa gawaadií qaás a gár waaqa'atiit.›

Matayo 16:23

Yesu iri warqáy amór Petro, guri báy «Quútl dír geeraaeene Neétlaangw! Kuúng a dukutsmo dir'eene. Asma inslawaywók kwisíng oo Munguheeká ala oo muu.»

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Luka 12:19

Daqaní nay kilooeé' oo', ‹Balángw yaariír u koóm oo ni /aay kureeraá yaariire, nee muruú hatlá' sleeme. Aníng daxta an iwiwiít, an /ayiím, an wahaám, an qwalalaá/.›

Luka 16:19

Yesu iri oó', «Heeko wák i deer, oo daqaarmo. Inqwaruú i tsitatiiti a inqwaruú sirda/atén, nee taa tleéhh ar kitaánír hhohho'. Nee umuú deelooro muruú /aymár hhó' gun /aa/aay.

Luka 18:4

Nee har'ohusmoodá' iri ala sií', aluuwo iri baraá muunaáwósí oó', ‹Aníng a Mungú ilaiwa/aa/ataaká, slám muu u gaárí xuaaká.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

Rumi 6:21

Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

1 Korinto 3:3

Asma tam hamí kuungá' a hotaatiindá' ar adoodár múk Qeeruú koomaaká ir hotaatin. Asma baraahunge da/i i deer, nee kaangaani. Gaarí gár i laqaaqaan a kuungá' heeuumarhúng tidár tlakweema an eeharahadá'aáke, nee an hotaatiindá'aáke ar adoodá' múk baraaká' yaamu ir hotaatin?

1 Korinto 5:2

Ala bar adoorí, kuungá' gár ta daara/aanda' a milá? A tsiní alók geeraawo barnaxes ana gurhaamuté'. Heé tlehhemuú adór kwí gu tlehhiít gár kuwa hariím a kun paraatl dír múk kríshaanayhe.

1 Korinto 5:6

Daara/angwhúng kwisíng i harinká. Kuungá' a xuá'aáke, «Gadaádá' mikaáte kar sluuftimaamisi tam ka niiná, xwaanteedár mikaáte sleémeero aqo gan sluuftís.»

2 korinto 11:12

Ala aníng a kumiít adoorí ngiwa tlehhiit, as masók mukduú hatlá' pa/aangw munguwa sláy, oo tiwa kilooín xirfayeemisiya' tawa ooi, «Atén gadiyér Mungú an tlehhiitaán adoodár inooín wa ale.»

2 korinto 11:15

Gawaá adoorihe a gár waa/oo/amoorooká sleeme sagadiyuuseerós tiwa warqeemis tawa adór sagadiyuusér gan'amu. Ala alhhe'eesaywo inooín sakwasleema kan sláy, ar adoodá' tlehhemi'ii'ín i dirii'iya'.

Galatia 6:13

Asma tam mukwí al/utlór iinuús, inooín awa kilá' hara'aya ngi iialooeemisiaaká. Gár inooín i slaiya' a masók kuungá' tundun al/utlín as kahhó' inooín tiwa kilooín xirfayeemiisiya' as al/utlorhúng.

Filipi 2:21

Awa hatlá' sleémeero a muruuín kilós ngun leelehhitiyá' ala a gadiyér Yesu Kristoowooká.

Kolosai 3:2

Muruú gawaá doori na inslaslaawaak umuú siiwaro, ala a muruú baraakaá yaamuuwooká.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.

2 Tesalonike 2:12

Gawaá adoorihe kudá' sleémeero awa tlakweema ngaa sa qwalaala/iye' kin sakwasleemuut, asma looeema nga haratlinti'i'iiká.

2 Tesalonike 2:8

Qoomaadá' an qoomár Heedá' Tlaákw tiwa geehhooeesi ar gaanslaay. Qoomaadae Aako Yesu niri hardah, iri geehhooúy ar baraá gwa/aateema, nee Heedá' Tlaákw guri suqúy ar hiinsluú afkós.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Timoteo 3:4

múk múk sakikií/, múk siduuse nee daar/uuse, múk muruú baraaká' yaamu gu ak slaá' ta Munguhe.

Yakobo 4:16

Ala hám daxta kuungá' a daara/aandá', nee ti kiloohúng xirfayeemisá'. Ala daara/aangwí sleémeero ku tlaákw.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

2 Petro 2:13

Inooín ki slahh'eemiis asma adoodá' inooín nira slahh'eemisiye'. Tam qoomár tlaatla/aango inooín ta qwalalaa/ as hheehha. Mukwí bar nee kuungá' aga al'iwité' dír muruú /aymaaro, inooín tan /ayín ar bi/iri, gaarí a gár múk kríshaanáy gu slasla/areemiis nee gu murér i qamiim.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

Yuda 1:10

Ala mukwí muruudá' ta tsatsahhanká kun /ooslislín. Nee inooín ilatleeridá' taa slaqooín altleéhh ngin eeharahariyá' adoodá' makaá fuqurángw kooma'aaká sleeme i tlehhahhitiya', gawaá adoorihe inooín i hhaná' as hotaá adoorí.

Yuda 1:16

Mukwí a múk tawó qununuú/ nee oo naeetuús. Nee laatí inooín a múk ilatleerir'ín eeharahár. Mukwí axweesanoó daara/aangw gun ar axwees, nee bartakaaro in ilaáhhe'eemisiyá' dír múk urén as slaasláw kawa dir'ín wa slay.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 18:7

Slahh'ámu nee gurhaami dirós i haniisaak ar adoodá' inós tira xirfayeemís, nee ira hót ar slafíngw diihhooa. Asma inós i baraá muunaáwósí kat, ‹Aníng a waawuto'o, slám a kwaalo'orooká. Aníng gurhaami a baloó araaká.›

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.

1 SAMUELI 2:29

Ahaá waáy gur'e munda har ohiín as ilahhooar'eé' ar muruú ta tsu/i, nee ilahhooadá' án naa hara'ayiím, kuúng na/iiwók kiri ilaiwá/ ta aninge, slaqoohúng kiri tlehhé' ar wa/aameedá' hho' ar ilahhooar'eé' sleémeero tidá' tinda huúw nee muk'eé' oo Israeli.›