Filipi 3:15 - Biblía Axweesantá Hhohho' ar Mungú 2004

¹⁵ Ateéká' sleémeero awa ganaa'á', gár tiwa hariím a adoorí an inslaslaawaán. Ala kuungá' bar adór hatlá' aga inslasleeré' gawaá umuúqo gaaro, Mungú muruudá' ngu kuungá' i geehhooatis.

Ya/abtór hho' 1977

¹⁵ Ateéká' sleémeero awa ganaa'á', gár tiwa hariím a adoorí an inslaslaawaán. Ala kuungá' bar adór hatlá' aga inslasleeré' gawaá umuúqo gaaro, Mungú muruudá' ngu kuungá' i geehhooutis.

Filipi 3:15 Iomraidhean Croise

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Yohana 6:45

Kaa gooín baraá gooír aaruuseero tawa kaahi, ‹Muu sleémeero ku intsaahhatis nee Mungú.› Gawaá adoorihe, umuúqo heewo oo Baabá gwa axaas, nee gari dirós wa intsaatsaáhh, i amor'eé' hardah.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

Galatia 5:10

Atén sleémeero a wak baraá Aakoowo. Gawaá adoorihe aníng kuungá' nu xurumitaaká, ala gár ni xuu' a tí, kuungá' sleeme axweesante'eé' tí a siaasia'aaká. Ala heedaádá' kuungá' nu sagaqwaareés, sakwasleemaarós ga sláy, inós tam heemahe.

Efeso 1:17

Munguú Aakoorén Yesu Kristo, Baabuú xirfuú koóm, aníng un firiiriím, as kahhó' kuungá' nuwa qeeruú sagalooárí haniisi nee geehhooeema as inós kuwa xua'.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Tesalonike 4:9

Ala gawaá daanduú hhae kiwa sla'aasla'a'a, aníng kuungá' gar nus kaángwií gooiim i káhh. Asma kuungá' kilá' tunduna intsaahhatimís nee Mungú tiwa sla'aasla'a'.

2 Timoteo 3:17

As kahhó' heé Mungú iwa ganaai nee kuwa amohhoó' as umuúqo gadiyér hho' ngiwa tleehhi.

Ebrania 5:14

Ala muruú /aymár gawdén a oo múk urén. Asma inooín muruú hhó' nee oo tlákw kwaa intsaáhh partlituuwo.

1 Yohana 2:5

Ala heé axweesantá Mungú gaa oh, baraawose sla'aarír Mungú aa ló'wa tleehharút, adór atén tar hootaán dinkwa nee Mungú, kay tsaahhaán.