Filipi 3:14 - Biblía Axweesantá Hhohho' ar Mungú 2004

¹⁴ A ló'wa naagamiís as amoodá' ta i qwaatlaan ngiwa i hardah, as slaasláwadá' Mungú isa ateét ar loohír Yesu ngiwa slaw, tidá' niwa hoot gawaá doorí wa ale.

Ya/abtór hho' 1977

¹⁴ A ló'wa naagamiís as amoodá' ta i qwaatlaan ngiwa i hardah, as slaasláwadá' Mungú isa ateét ar loohír Yesu ngiwa slaw, tidá' niwa hoot gawaá doorí wa ale.

Filipi 3:14 Iomraidhean Croise

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

1 Korinto 9:24

Ahaá, kuungá' a xuá'aáke mukdá' qwaátl baraá ti'iingo, sleémeero tan ti'ii'ín, ala heé arba/ati ga sláw a wak kilós. Kuungá' sleeme adoorír qwaatlaak as arba/ati kawa sleera'.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

1 Tesalonike 2:12

Nuna gurkwa/amisaán nee nuri naanaaqaán, nuri harhhehhe'eemisaán as tawa hota' ar slafíngw hariím dír Munguhe, kudá' kuungá' naa ateet tawa data' baraá waawuti'iimaarós tidá' xirfuú koom.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

Ebrania 6:1

Gawaá adoorihe intsaahhasadá' sleémeero ar iimu/uuma daanduú Kristowo masók an alií geexawaán, nee tari geerií kumiitaán baraá intsaahhasadá' hee gu kwa/as baraá slafíngw qeeruuwo. Atén a sla'aanaaká intsaahhasadár iimu/uuma kawa malé inki/aan, tidá' hee iwa hhu'u'un nee tlehhma'aá slafa'aaká ngiwa may, nee Mungú nguwa haratlintii'i;

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

2 Petro 1:3

Mungú atén tina ateét ar xirfuuwós nee /uuruuwós. Inós atén nguri xuaán. Aluuwo inós mura' sleémeero nguri atén i haniís ar /uuruuwós kuduú munguiima, muruudá' sleémeero atén ta sla'aan as tawa hootaan ar slafíngw Mungú kuwa ilaiwawa/aan.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.