Filipi 3:1 - Biblía Axweesantá Hhohho' ar Mungú 2004

¹ Alhhe'eesaywo gár án ni oo', hhaee'eé', qwalaala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma i qoón dirhunge ngiwa inkii/.

Ya/abtór hho' 1977

¹ Alhhe'eesaywo gár án ni oo', hhaee'eé', qwalala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma dirhunge i gídaabár koón ngiwa inkii/.

Filipi 3:1 Iomraidhean Croise

1 QOM'I 15:28

Aluuwo múk Israeli sleémeero sandakmoó alqadór AAKOÓ MUNGÚ kunguna huúw baraá Yerusalemu ar kwaraa/ír ur, xareemi nee tarumbeétaro kiri ufaáhh, nee mitingiraay kuna tsingili'imiís, nee afo kari tleesa hhe'eés ar mariímba nee gidaandooraay.

1 QOM'I 16:10

Umuuwós kudá' hhoohhoó' ku xiríf, mukdá' AAKOÓ MUNGÚ gu leelehhiít i qwalaa/i.

1 QOM'I 29:22

Baalarihe tana /ayín nee tari wahán ar qwal/aamaye dír geeraá AAKOÓ MUNGÚ wa ale. Solomon ngway iimbalaaxiyé' ar di/i sagá wa tsare ar umuú AAKOÓ MUNGÚ as tawa waawutmooín, nee Sadoki tawa kaahamusmoó Mungú.

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

YOBU 22:26

daqaní kuúng tari qwalaalá/ as Mungú Aleesleemusmo kuri i qaytsít ar harahhifo.

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

WARA'AMI 32:11

AAKOÓ MUNGÚ sa qwalaala/aak, i baraa/aak, kuungaásingaá hota ganaa'á'. Ururu'umisé' ar qwala/ kungaásingaá sleémeero mune gan'ayen.

WARA'AMI 33:1

AAKOÓ MUNGÚ sa baraa/aak, kuungaásingá hota ganaa'á'. I hariín múk mune hhohhó' AAKOÓ MUNGÚ kuwa xirfayeemisi.

WARA'AMI 37:4

Qwal/uuwók baraá AAKOÓ MUNGÚ tiwa sleer, daqaní inós tidá' kuúng ta sla' baraá muunaáwoge ngi haniis.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 5:11

Ala kudá' sleémeero na amoorógí guwiye' i qwalaala/iye'. Daqisleém i daaiye' ar bara/. Inooín kuúng na de'eemeek. Kudá' umuuwók ngu sla'á', kuúng un sa qwalaala/iyá'.

WARA'AMI 97:1

AAKOÓ MUNGÚ i waawuti'ii'ín, yaamu i qwalaala/iye', yaamudaá baraá tla/eeraá tlabeemo i qwalaa/iye'!

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 65:14

Ga/aawaak, sagadiyuuser'eé' in dá' ar munér qwala/, ala kuungá' a /aa/amiindá' ar munér slahhahhaa', tari tsuunqumisá' asma slahh'amuú qeereemoohúng.

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

SEFANIA 3:14

Aá múk gixsár Siyoni, daaé' ar afór ur, kuungaá múk Israeli tsimaahhuusé', Kuungaá múk gixsár Yerusalemu, qwalaala/é' nee baraa/é' ar mune sleémeero.

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

SEKARIA 10:7

Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Luka 1:47

nee qeeruueé' in Munguú saqwalalaa/, Ba/amusmooeé',

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Tesalonike 5:16

Qwalaala/é' daqisleém.

Yakobo 1:2

Hhaee'eé', kuungá' iiara'aduú dimbadimbé bura sleeré', harafaaraak tawa qwal/uú úr dirhunge.

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

2 Petro 3:1

Sla'aaruuser'eé'. Barwaárí án ni kuungá' i gooiim ar tsár. Gawaá barwaduuká' tsaraawo aníng muruuwí nguna inslawtimís, as inslawoó hhohhó' nguwa daaraktis baraá munerhunge.

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.