Filipi 2:9 - Biblía Axweesantá Hhohho' ar Mungú 2004

⁹ Gawaá adoorihe gaarí an gár Mungú ngusa gáwtí tsa/aasa hhe'eés, nee guri umuudá' úr i haniís, umuudá' ume sleémeero ga baá/.

Ya/abtór hho' 1977

⁹ Gawaá adoorihe gaarí an gár Mungú nguwa gáwtí tsaa/asa hhe'eés, nee guri umuudá' úr i haniís, umuudá' umee sleémeero ga baá/.

Filipi 2:9 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 110:5

Aako hanoos, kuduú waawutmo, i bihhiwók awa doó /iyáy, bira buúhh, waawitá gu faak.

WARA'AMI 89:27

Aníng inós un bariismooeé' tleéhh, un waawuti'iimár i haniís ta waawituú daanduú yaamuwo.

WARA'AMI 91:14

Aníng inós u ba/amís asma iga ló'wa slaá', un xuúm asma umuueé' gwa xuú'.

ISAYA 52:13

Ga/aawaak, sagadiyusmooeé' i daqaari'iit ku iia tleerees nee kuri gáwtí tlees nee ilaiwa/amér ur ga sláy.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

Matayo 11:27

Iri oó', «Baabuúeé' umuú gaaro nga gawaá dabaaeénií qaás. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Luka 10:22

Iri oó', «Umuú gaaro kinga dabaaeén i qaás nee Baabuúeé'. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós, nee kudaádá' Garma xu'utisaro aa slaá'.»

Yohana 13:3

Yesu gaa xuú' adór Baabá mura' sleémeero ngura gawaá dabaawós i qaás, nee adór inós amór naa daáhh tar amór Mungú, nee hám i amór Mungú káy.

Yohana 17:11

Aníng a baraaká' yaamií diriiaaká, ala inooín ta baraaká' yaamií dirii'. Aníng ni hardáh amoorók. Baabuú hhoohhoó', kuká' na xuumeek ar /uuruú umuuwók kudá' naa aníng i hanís. As wakleeli'iima kawa kon, adoodá' atén kar koomaan.

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Yohana 17:5

Hám daxta Baabá, án kuúng na xirfayeesáng amoorók wa ale, ar xirfuudá' ni amoorók wa koom iimír yaamu kiwa tleehhiiká.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Kolosai 1:18

Múk kríshaanáy a slaqwtós, nee inós a saga. Inós an iimu/úngw kríshaanáy. Inós an kudá' naa geerií waaslee/ baraá múk aa qaátl wa ale, as inós iwa iimu/úngw umuúqo gaa tleehhiti.

2 Tesalonike 1:12

Gawaá adoorihe umuú Aakoorén Yesu ku xirfayeesi baraahúng wa ale, nee kuungá' tundu baraawós wa xirfayeesi, ar loohír gurtleemuú Munguúrén nee Aako Yesu Kristo.

Ebrania 1:4

Garma iri ló'wa xirfuút malayke ba/a, as umuudá' aa aál oo Garma ku ló'wa úr ta oo malaykeero.

Ebrania 1:9

Kuúng hotaá ganaa'á' ina slá', nee tlakweema iga áhh. Gawaá adoorihe, Mungú, inós a Munguúwók, kuúng ugwa iimbalaáx ar di/tá qwala/ ta hhaeewoge.»

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.

2 Petro 1:17

Asma Mungú Baabá guna ilaiwa/amér i haniís nee xirif, qoomár afoodá' baraá xirfuú úr daahh nguwa i hardát, tidá' kah, «Kwí an Garmaaeé', sla'aarusmooeé', oo aníng iga qwal/atis.»

3 Yohana 1:7

Asma inooín tindina tláy as Yesu, nee gár taa sláy i káhh amór múk xoordaá hatlae.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 5:12

Inooín tari daá' ar afór ur ta kaahi, «Deelmoó bee/i, kudá' taa gaás, inós i harín aleesleemu nguwa slay, nee daqaari'iima, nee sagalooa, nee /uuru, nee xirif, nee ilaiwa/ame nee tsuuqa.»