Filipi 2:30 - Biblía Axweesantá Hhohho' ar Mungú 2004

³⁰ Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

Ya/abtór hho' 1977

³⁰ Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

Filipi 2:30 Iomraidhean Croise

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Rumi 16:4

Inooín kina lak iso tlaáq as slafingw'eé' nguwa ba/amisiya'. Aníng inooín in sluufmiís. Ala a aníng kilooeeneeká, ala tam kríshaanáy sleémeero oo múk xoordaá hatlá' inooín gin sluufmiis.

1 Korinto 15:53

Asma slaqwtí hhitiruut gár kawa hariím in warqeér tawa slaqwtá hhitiruutaaká. Nee slaqwtí gwagwa'aam gár kawa hariím in warqeér tawa slaqwtá gwagwa'aamaaká.

1 Korinto 16:10

Ala Timoteo barnaxes naa hardáh amorhúng i alé, amohhe'eemisaak as miwa hoót ar dae. Asma inós a heé gadiyér Aakoó tlehhiít adór aníng wa alé.

1 Korinto 16:17

Aníng a qwalalaá/ asma Stefana nee Fortunato nee Akaiko naa amoorí hardihiyé'. Asma gadaádá' aníng iga wa /aaruur as adoodá' kuungá' tawa kahha', inooín ngaa haniisiyé'.

2 korinto 12:15

Aníng barte'eene a qwalaá/ muruueé' sleémeero nguwa haniis, nee slám ánuú kilá' tiwa haniis as munerhúng. Xáy, kuungá' sla'aarirhúng i /aaruúra dir'eene, as adoorí án kuungá' nuwa ak ló'wa slaa'?

2 korinto 4:12

Gawaá adoorihe gwa'ara i gadiyús baraarén wa ale, ala slafiingw i gadiyuus baraahúng wa ale.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 2:27

Ar ló', inós aa ló'wa tiíq, afkú bohoongw ngun wa kií/. Ala Mungú inós guri gurtláy. Tam aníng sleeme Mungú ina gurtláy, as gurhaamir'eé' miwa doogiín.

Filipi 4:10

Aníng aga ló'wa qwalaá/ baraá Aakoowo, asma kuungá' aleesleemu ugwa malé sleeré' daxta, tam aníng iri insleeré' as alee/isaywí ni slaa' naa hanisé', adoodá' aáng ngur hanmaamisa'. Baraá tla/angwihe a kaahaaká án kuungá' ina gunqaresé'. Ala a gár ta koonda' in káhh.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Filemoni 1:13

Aníng ana slaá' iwa amor'eé' wa hooti, as aníng iwa daanduuwók wa sagadiyuusi, baraá tsegmuuwí ni diriia as Ya/abtór hho'.

Geehhoeemaá 12:11

Inooín sakwasleemusmoodá' kuna arbaá/ ar /uuruú tseerér Deelmoó bee/i nee ar axweesantá lamabu'ungw'ín. Asma inooín slafingw'ín ngwa slai'iiká, tam gwa'ara sleeme ngaa ilaguwi'iiká.