Filipi 2:29 - Biblía Axweesantá Hhohho' ar Mungú 2004

²⁹ Gawaá adoorihe, inós ilaoohaak ar qwal/uú yaariír, adór hhiyoó baraá Aako. Múk adór inós ilaiwawa/aak.

Ya/abtór hho' 1977

²⁹ Gawaá adoorihe, inós ilaoohaak ar qwal/uú yaariír, adór hhiya' oo baraá Aako. Múk adór inós ilaiwawa/aak.

Filipi 2:29 Iomraidhean Croise

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

Luka 9:5

Múk kuungá' naa sii', bar qutlá' dír gixsadae, teerír ya'aahúng ka alií kukuá', as iwa gurbua tleehhit dir'ine.»

Yohana 13:20

Án a kah, umuúqo heewo oo aníng naa ya/aáw, nee inós kuri ilaaóh, heedaádá' gwa ilaaoh a aníng ina ilaóh. Nee kudá' aníng iga ilaaoh, a kudá' aníng iga ya/aaw guna ilaaóh.»

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 28:10

Inooín atén tiri ilaiwawa/iyé'. Qoomár tleemuurén iwa xáy, tiri muruú yaariír i hanmiís oo taqo sla'aana.

Tlehhema'aá ya/Abuuse 8:8

Múk gixsadá' qwal/uú yaariír guri sláy.

Rumi 10:15

Nee slám hee adór ngur alki/iiti burkwa ya/aawiiká. Asma Gooi i kat, «Mukdá' Ya/abtór hho' alki/iít hardahamuuín ku slaa' ló'wa ale.»

Rumi 16:2

Inós ilaoohaak tawa Krishanto'ór adór kuungá'. Ilaoohaak ar adoodá' múk Mungú wa hariim. Inós umuúqo gár i sla'a dirhunge alee/iisaak. Asma inós múk yaariír gwa alee/iimaamís, tam aníng sleeme.

1 Korinto 16:10

Ala Timoteo barnaxes naa hardáh amorhúng i alé, amohhe'eemisaak as miwa hoót ar dae. Asma inós a heé gadiyér Aakoó tlehhiít adór aníng wa alé.

1 Korinto 16:18

Asma muunaáeé' ngwa kwa/asiyé', nee tam munerhúng sleeme. Múk adór kwí inslaslaango i harín.

2 korinto 10:18

Asma heé ti kilós xirfayeemiís, inós ku ya/anká nee Aako, ala heé ta ya/an a kudá' Aako aa xirfayeés.

2 korinto 7:2

Kuungá' munerhúng amooréní haniisare'. Atén tam heé wák ugwa gár tlaákw i tleehhaniiká. Atén heé taa qwaareesaán i kaahh, laqaá heé atén taa al/ayaán i kaahh as atén slaasláw kawa slawaan.

Filipi 2:28

Gawaá adoorihe ilakaaharu una ló'wa tleéhh inós nguwa ya/aaw amorhúngií alé, as kuungá' tawa qwal/a' bura aandé', nee slám as gurhaamir'eé' iwa /aaruur.

Kolosai 4:10

Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.

1 Tesalonike 5:12

Hháe, atén kuungá' nu firiimaán mukdá' baraá tla/angwhúng wa gadiyuús ilaiwawa/aak, kudá' kuungá' nu sagesihhimiitá' ar baraá Aako nee nu intsaahhatimiisá' hotaá Krishaanu'uumaro.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

3 Yohana 1:10

Aníng bir na hardáh, kangós kudá' aa tleéhh ngu dirhúng i alki/iít, adór inós axweesanoó tlákw oo dakti'iima ngura daanduurén i aaín. Slám a har tiheeká, asma inós hhae gina sií' ilaooharo, tam mukdá' gi ilaoohár wa slaá' guna ilaá/ sleeme, guri paraátl dír múk kríshaanayhe.