Filipi 2:27 - Biblía Axweesantá Hhohho' ar Mungú 2004

²⁷ Ar ló', inós aa ló'wa tiíq, afkú bohoongw ngun wa kií/. Ala Mungú inós guri gurtláy. Tam aníng sleeme Mungú ina gurtláy, as gurhaamir'eé' miwa doogiín.

Ya/abtór hho' 1977

²⁷ Ar ló', inós aa ló'wa tiíq, afkwá bohoongw ngun wa kií/. Ala Mungú inós guri gurtláy. Tam aníng sleeme Mungú ina gurtláy, as gurhaamir'eé' miwa doogiín.

Filipi 2:27 Iomraidhean Croise

2 WAAWITÁ 20:1

Qoomaarihe waawutmo Hesekia tiqti guna ót, iri lak gwaá', aarusmo Isaya garmoó Amos guri ii daqáy, guri báy, «AAKOÓ MUNGÚ i kaahi, ‹Do'ók amohhe'eeseek, asma kuúng a gwá', tiqtisinge kuúng a hungu/ká.› »

YOBU 5:19

Umuú daqto inós kuúng u ba/amis baraá slahh'amuwo, Tam slahh'amu ni sagáwa magá' wá ki/i a gaarooká.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

ISAYA 27:8

Ina muúx ar adór qoom kiri loohatís, qoomár fur'ár bambaao ar da/aá daahh, giri hingeés ar slahhtá xaraasl.

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

YEREMIA 10:24

Aá AAKOÓ MUNGÚ, aníng qwatsáng ar adór ganaa' ala ar buhhtawooká, as kahhó' mawa qwaár.

YEREMIA 45:3

‹Kuúng a kat, tsaxwaaeé', asma AAKOÓ MUNGÚ gurhaami ngaa doók gawaá daanduú slahh'amuueé'. Aníng gurhaami iga slaaqatís tam dír amohhoo' a slaslawaaká'.›

YEREMIA 8:18

Gurhaamir'eé' tihe ti tu/iiká, muunaáeé' i ló'wa slahhahhaa'.

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

Tlehhema'aá ya/Abuuse 9:37

/Ameenirí deeloodae tiqti gana ót, iri gwá'. Nee hamaatlaro kawa hhe'eés, kari qaás gawaá qoroófa.

1 Korinto 10:13

Kuungá' iiara'aduú taa sleeré' a adór kuduú /iisikó muu i slaaslay. Nee Mungú ku inkihhím. Inós iiara'aduú aleesleemuuhúng gu baá/, gu ya/anká kuungá' kuwa sleera'. Ala iiara'at barnaxes naa hardáh, inós loohi ga tleehh ar kuungá' tar ti'ita' baraá iiara'aduudae, as kuungá' tawa qiqtliinda' baraá iiara'aduudá' wa alé.

2 korinto 2:7

Gawaá adoorihe a tsiní kuungá' bura gurtleeré' daxta, nee kuwa gurkwa/amisa', as inós gurhaamirós tidá' yaariir munguwa ak qwaarés.

Filipi 2:26

Inós kuungá' sleémeero nuna ló'wa inslasláy, iri ló'wa daawiimiít as kuungá', asma kuungá' adór inós ira tiíq aga axasé'.

Filipi 2:28

Gawaá adoorihe ilakaaharu una ló'wa tleéhh inós nguwa ya/aaw amorhúngií alé, as kuungá' tawa qwal/a' bura aandé', nee slám as gurhaamir'eé' iwa /aaruur.

Filipi 2:30

Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.