Filipi 2:26 - Biblía Axweesantá Hhohho' ar Mungú 2004

²⁶ Inós kuungá' sleémeero nuna ló'wa inslasláy, iri ló'wa daawiimiít as kuungá', asma kuungá' adór inós ira tiíq aga axasé'.

Ya/abtór hho' 1977

²⁶ Inós kuungá' sleémeero nuna ló'wa inslasláy, iri ló'wa daawiimiít as kuungá', asma adoodá' kuungá' kara axasé' gídaabá inós i tiiq.

Filipi 2:26 Iomraidhean Croise

2 SAMUELI 13:39

Waawutmo Daudi /aa/eewós, kudá' garmaawós Amnoni iwa kahhuút, niwa faakiyé' gari slaá' garmaawós Absalomu nguwa ari.

2 SAMUELI 24:17

Daudi malaykamoodá' múk tsuú/ nguwa ár, AAKOÓ MUNGÚ guri báy, «Qaytsiít aníng an tlakusmo! Anuú kilá' ana dakuús! Aníng aga dakuús! Mukwí tsaén aa gaa dakusiiká. Án kuúng u harhheehhe'eés kángw kilae, aníng na muxáng, nee múk guruú doó baabuúeene.»

YOBU 9:27

Án barnaxes aga oó', wa/a/ir'eé' a gunqaareés nee gurhaamir'eé' a alií qaás, nee niri qwalalaá/,

WARA'AMI 69:20

Aga diqay tsatiít asma niqaay, nari mune sií', gurtleemu una daamaraám ala i kaahh, nee múk i gurkwa/ás una damraaraám, ala tam heé naa hardah i kaahh.

AXWEESANOÓ SAGALOOA 12:25

Heé xuruumiít baraá muunaáwose i huu', Ala /aymuú tsuú' gun qwal/atis.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Matayo 26:37

Petro gurir tláy dinkwa nee daaqaydá' tsár oo Sebedayo. Gurhaamír ur guri iimu/uún, nee iri amoqwaqwadín.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Rumi 1:11

Asma án kuungá' nu ló'wa artá wa slaá', as tsuuqaá Qeeru ngiwa haniis as kuungá' /uuru kuwa sleera' baraá haratlintaaooro.

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

Rumi 9:2

aníng gurhaamír yaariir a koóm ar ló'wa slahh'eemiis baraá muunaáeene umuúqo daqto.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.

2 korinto 9:14

Gawaá adoorihe inooín tsuuqaá Mungú awa waa/oo/amór koomá' kudá' naa amorhúngií haniís ki tsaahh, nee kuungá' tunduri aleefiriirín nee tunduri ló'wa slaá'.

Galatia 6:2

Ti alee/iimise' umuúqo heewo huwár heewós ngi gagaari. Ala adoorí bara tlehhé', daqaní hara'ayár Kristo aga boo/esé'.

Efeso 3:13

Ala án kuungá' nu firiím ma mune siaara' as adoorí án tiwa slahh'eemisi as kuungá'. Asma slahh'amaayeerí a xirif dír kuungae.

Filipi 1:3

Án Munguúeé' un sluufmiís umuúqo qoomár barnaxes kuungá' naa insláw.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Filipi 2:25

Án ngi slaá' sleeme i qoón hhiyaarén Epafrodito nguwa amorhúngií ya/aaw. Inós nee aníng aga algadiyuusaán, slám inós a slaqwarusmoó wák dinkwa nee aníng. Inós kuungá' nguna ya/abé' amor'eé' alé as aníng iwa sagadiyuusi, nee tidá' án ni slaa' ngiwa hanmiisi.

Filipi 2:27

Ar ló', inós aa ló'wa tiíq, afkú bohoongw ngun wa kií/. Ala Mungú inós guri gurtláy. Tam aníng sleeme Mungú ina gurtláy, as gurhaamir'eé' miwa doogiín.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

1 Petro 1:6

Gawaá adoorihe kuungá' a ló'wa qwalaala/á', ala tam gurhaamuta'a qoomaarí niinawe as iiara'aduú dimbadimbé, asma adoorí i pa/aká.