Filipi 2:25 - Biblía Axweesantá Hhohho' ar Mungú 2004

²⁵ Án ngi slaá' sleeme i qoón hhiyaarén Epafrodito nguwa amorhúngií ya/aaw. Inós nee aníng aga algadiyuusaán, slám inós a slaqwarusmoó wák dinkwa nee aníng. Inós kuungá' nguna ya/abé' amor'eé' alé as aníng iwa sagadiyuusi, nee tidá' án ni slaa' ngiwa hanmiisi.

Ya/abtór hho' 1977

²⁵ Gár án naa ár ar hariím a hhiyaarén Epafradito ngun ya/aáw amorhúng i alé. Inós nee aníng aga algadiyuusaán, slám inós a slaqwarusmoó wák dinkwa nee aníng. Inós kuungá' nguna ya/abé' amor'eé' alé as aníng iwa sagadiyuusi, nee tidá' án ni slaa' ngiwa hanmiisi.

Filipi 2:25 Iomraidhean Croise

AXWEESANOÓ SAGALOOA 25:13

Adoodár ma'aá tsa' i dirii'iya' qoomár tsee/amángw siiree/iro, an adór ya/abusmoó inkihhím i dirii'i, dír mukdá' inós gwa ya/aawi, asma gur'er'ín gan tse'ees.

Yohana 13:16

Án a kah, lawaalmo ku ureeká ta aakoowose, laqaá ya/abusmo ku ureeká ta heedaádá' ngwa ya/aawi.

Yohana 17:18

Adoodá' án kuúng ira ya/áp baraakaáká' yaamu, án sleeme inooín ina ya/aáw baraakaá yaamu.

Rumi 16:3

Priska nee Akila intsihhiisaak. Inooín a sagadiyuuse dinkwa nee aníng ar baraá Kristo Yesu.

Rumi 16:9

Urbano intsihhiisaak. Inós a sagadiyusmo dinkwa nee atén baraá gadiyér Kristowo. Nee sla'aarusmooeé' Staku sleeme intsihhiisaak.

1 Korinto 3:9

Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

2 korinto 2:13

Ala tam adoorihe aníng amohhooa aga ariiká baraá muunaáeene, asma hhiyaaeé' Tito, ugwa ariiká amoodae Gawaá adoorihe aníng deelo ngiri dir'ínií oó', niri tláw ay yaamaá Makedonia.

Filipi 2:26

Inós kuungá' sleémeero nuna ló'wa inslasláy, iri ló'wa daawiimiít as kuungá', asma kuungá' adór inós ira tiíq aga axasé'.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Kolosai 1:7

Kaangwí kunguna dirhúng i intsaahhatimís nee Epafra, sla'aarusmoorén. Inós a lawaalmoó Kristo adór atén wa ale, slám an sagadiyusmoó Kristo oo inkihhím as atén.

Kolosai 4:11

Yesu sleeme, kudá' ta babay Yusto, kuungá' nu intsihhiimiis. Inooínaaká' in gadiyér tleehhiyá' dinkwa nee aníng as waawuti'iimár Mungú. Slám aníng in ló'wa gurkwa/amiisiyá'. Dír kríshaanáydá' oo baraá múk Yahudiro heé gadiyuús dinkwa nee aníng i kaahh, aqo har kuká' tám kilooín.

1 Tesalonike 3:2

Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

Filemoni 1:24

Tam Marko nee Aristarko nee Dema nee Luka, kudá' nee aníng algadiyuusá', kuúng u intsihhiimisiyá' sleeme.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.