Filipi 2:22 - Biblía Axweesantá Hhohho' ar Mungú 2004

²² Ala kuungá' Timoteo u xuá' adór kur inkihhím. Inós nee aníng gadiyér Ya/abtór hho' an altlehhahhitaán, adór baabá nee garmaawós.

Ya/abtór hho' 1977

²² Ala kuungá' Timoteo u xuá' adór ir inkihhimuú kón. Inós gadiyeét gaa tlehhaahhiít ar Ya/abtór hho' dinkwa nee aníng, adór baabá nee garmaawós.

Filipi 2:22 Iomraidhean Croise

Tlehhema'aá ya/Abuuse 16:2

Heewí kwa lamabu'úngw hhó' i káh nee mukdaá haratlintii' oo baraá Listra nee Ikonio.

Rumi 5:4

Nee qiqtliingw gár ni huwahuwi a muunuú gawít, nee muunuú gawít gár ni huwahuwi a haraxu'uti.

1 Korinto 16:10

Ala Timoteo barnaxes naa hardáh amorhúng i alé, amohhe'eemisaak as miwa hoót ar dae. Asma inós a heé gadiyér Aakoó tlehhiít adór aníng wa alé.

1 Korinto 4:17

Asma gaarí an gár Timoteo ngusa amorhúngií ya/aáw. Inós an garmaaeé' kuduú sla'aarusmo nee oo inkihhím baraá Aakoowo. Inós kuungá' nu inslawtis daanduú lohuueé' awa baraá Kristo Yesuwo, kudá' ni intsaahhatimis umuúqo diiro dír múk kríshaanayhe.

2 korinto 2:9

Asma gaarí an gár aníng kuungá' nusa barwaádií gooiím sleeme, as aníng kuungá' nuwa iiar, nee ngiwa tsaahh, adór kuungá' tara iialooesé' baraá mura' sleémeerowo.

2 korinto 8:22

Hhiyoó hatlá' ngu malé ya/aawaán dinkwa nee inooín. Inós atén ngwa araán daqtá yaariire, kuri tsaahhaán adór inós tar heé ilakaahaár. Nee qoomaarihe ilakaaharuuwós aa ak ló'wa doogín, asma haraxu'utír ur ga kón dirhunge.

2 korinto 8:24

Gawaá adoorihe múk kríshaanáy daxta ngi ari, adór kuungá' inooín kir ló'wa sla'á'. Nee ngiwa tsaahhiya' sleeme adoodá' atén naa ooaán adór tar ló', qoomár kuungá' nuwa xirfayeemisaán geeraaín wa ale.

2 korinto 8:8

Aníng adoorí a kaahaaká as nuwa hara'ayiyiim. Ala aníng kángw múk hatlá' un káh, adór inooín ilakaaharu kura tlehhiít baraá alee/isaywihe. Kaangwí aníng una káh as sla'aarirhúng ngiwa tsaahh adór tar ar ló'.

Filipi 1:12

Hhaee'eé', gár ni slaa', kuungá' masók an xuá' adór slahh'amaayeedá' sleémeero aníng naa sláw Ya/abtór hho' ngira ila/iká, ala gana alee/ís tsiyaayaaxaro.

Filipi 1:16

Kuká' kaangwí ngun alki/iitiyá' as sla'aari, asma ka xuu' aníng tina qaás as Ya/abtór hho' ngiwa aleekal/aam.

Filipi 1:5

Asma kuungá' aga dinku'uusé' nee aníng Ya/abtór hho' alki/ituuwo iimír bál geera nee tam ay laarí sleeme.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Filipi 2:20

Heé hatlá' i kaahh oo nee aníng ti kangw slawá', slám heé hatlá' i kaahh oo kuungá' nu sa daawiimiít adór inós wa ale.

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

2 Timoteo 1:2

Barwaárí ngina gooiím amoorók Timoteo, garmaaeé' oo sla'aarusmo. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

2 Timoteo 3:10

Ala kuúng aníng iga eehát baraá intsaahhasar'eene, nee digir wakeetingw'eene, nee adoodá' án ni slaa' baraá slafingw'eene. Nee slám haratlintaaor'eé' aga aán, nee daamaarangw'eé', nee sla'aarir'eé' nee qiqtlingw'eé'.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.