Filipi 2:19 - Biblía Axweesantá Hhohho' ar Mungú 2004

¹⁹ Án harahhifo a koóm baraá Aako Yesuwo Timoteo nguwa amorhúngií ya/aaw ar gaanslaay, as muunaáeé' iwa qwalaa/i kangwhúng bura axaás.

Ya/abtór hho' 1977

¹⁹ Án haraxu'uti a koóm baraá Aako Yesuwo Timoteo nguwa ya/aaw ar gaanslaay iwa amorhúng i hardahi, as muunuúeé' iwa qwalaa/i iidíguuhúng bura axaás.

Filipi 2:19 Iomraidhean Croise

YEREMIA 17:5

AAKOÓ MUNGÚ i kaahi, «Heé hee gu harahhiíf i tsarere'eeti, kudá' handá' /uuruú hee gwaa harahhiif, kudá' baraá muunaáwose AAKOÓ MUNGÚ gwaa sii'.

Matayo 12:21

Nee xoordu inós nguri haraxuiyá'.»

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Rumi 15:12

Nee slám aarusmo Isaya i kaahi, «Harma/i ni baraá tlahhoó Yesé dáhh. As xoordu sleémeero ngiwa sawaawuti'ii'in. Inós an kudá' xoordu i haraxuiya'.»

Rumi 16:21

Timoteo, kudá' nee aníng algadiyuusá', inós kuungá' nu intsihhiimiis. Nee Lukio nee Yasoni nee Sosipateri sleeme nu intsihhiimisiyá'. Inooín a múk tlahhay'eé'.

1 Korinto 4:17

Asma gaarí an gár Timoteo ngusa amorhúngií ya/aáw. Inós an garmaaeé' kuduú sla'aarusmo nee oo inkihhím baraá Aakoowo. Inós kuungá' nu inslawtis daanduú lohuueé' awa baraá Kristo Yesuwo, kudá' ni intsaahhatimis umuúqo diiro dír múk kríshaanayhe.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Filipi 2:18

Qwalaala/é' kuungá' sleeme, qwalaala/é' dinkwa nee aníng.

Filipi 2:28

Gawaá adoorihe ilakaaharu una ló'wa tleéhh inós nguwa ya/aaw amorhúngií alé, as kuungá' tawa qwal/a' bura aandé', nee slám as gurhaamir'eé' iwa /aaruur.

1 Tesalonike 3:2

Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

1 Tesalonike 3:5

Gaarí an gár aníng Timoteo ngusa ya/aáw, asma aníng qitla una harslaaqaát, ana xu'utír wa slaá', xáda xáy haratlintaaorhúng Neetlaangw gura bá/i, kudá' kuungá' nu iiara'ár, laqaá gadiyeédá' atén taa tleehhaán sleémeero aa gadiyér tawo tleehhít.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

Yakobo 4:15

A tsiní geera bar kata', «Aako biringa slaá', a slafaán nee adoorí ngay tleehhaán, laqaá tí.»

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.