Filipi 2:17 - Biblía Axweesantá Hhohho' ar Mungú 2004

¹⁷ Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Ya/abtór hho' 1977

¹⁷ Haratlintaaorhúng a ilahhooár án ni hanmiis dír geerá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 2:17 Iomraidhean Croise

FAARO 28:6

Ilahhooarí ar umuú baala ar ta da/i ar slaahhareeriwós AAKOÓ MUNGÚ ngu sla'atamiisá'. Ilahhooarí dír kawa iimu/ún hanmisuuwo a tloomár Sinai.

FAARO 28:7

Ilahhooár muruú wahaangw ar ta deelmooduú bee/ír alhaniisi, a liítár wák ar difaái. Ilahhooarír difaáír aa hamat aa tsipipi'ís didá' hhoohhoo' as anuú AAKOÓ MUNGÚ.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

2 korinto 12:15

Aníng barte'eene a qwalaá/ muruueé' sleémeero nguwa haniis, nee slám ánuú kilá' tiwa haniis as munerhúng. Xáy, kuungá' sla'aarirhúng i /aaruúra dir'eene, as adoorí án kuungá' nuwa ak ló'wa slaa'?

2 korinto 4:12

Gawaá adoorihe gwa'ara i gadiyús baraarén wa ale, ala slafiingw i gadiyuus baraahúng wa ale.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

2 korinto 7:4

Aníng a xuurumitaaká daandeemoohunge. Aníng ti ló'wa xirfayeemiís as kuungá'. Gawaá adoorihe aníng taa ló'wa gurkwa/ás, nee qwal/amaayér ló'wa ur aga sláw baraá slahh'amaayeerén tí ta koomaana.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

Filipi 2:18

Qwalaala/é' kuungá' sleeme, qwalaala/é' dinkwa nee aníng.

Filipi 2:30

Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

1 Tesalonike 2:8

Atén kuungá' nuna ló'wa sla'aán. Gawaá adoorihe Ya/abtór hho' ngina haniisár wa sla'aán dirhúng i alé. Ala a har tí kiloseeká, ala tam ataá kilá' tina haniisár wa sla'aán sleeme.

2 Timoteo 4:6

Asma aníng daxta ti ilahhooár wa haniis, nee qoomár gwa'arar'eé' naa hardát.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Yohana 3:16

Atén daxta sla'aari aga tsaahhaán, asma Yesu slafiingós guna duúx as atén. Gawaá adoorihe atén sleeme gár tiwa hariím a slafingwrén un duuxaán as hhaeerén.