Filipi 2:16 - Biblía Axweesantá Hhohho' ar Mungú 2004

¹⁶ asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'ii'imiiká, laqaá aga tawó daawiimitiiká gadiyeede.

Ya/abtór hho' 1977

¹⁶ asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'i'iimiiká, laqaá aga tawó daawiimiitiiká gadiyeede.

Filipi 2:16 Iomraidhean Croise

WARA'AMI 40:9

AAKOÓ MUNGÚ, aníng ya/abtór hho' ar ba/ama ana alki/iít dír dinkwár múk yaariír i alé. AAKOÓ MUNGÚ, kuúng a xú' adór aníng afkwe'eé' ngura ar qahuutiiká.

WARA'AMI 71:17

Kuúng Mungú, kuúng aníng ina intsaahhatimís iimír án tawa masoomo, tam ay hamí aníng tlehhmi'iiwók awa waa/oo/amo in alki/iít.

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

Matayo 10:27

Tidá' án naa dirhúng i axweés baraá giwtír wa ale, kuungá' na dír gwa/aát wa ooaak. Nee tidá' tinda saasaáhh ooaro, kuungá' gawaá daandeemaá maraay tiwa alki/ite'.

Luka 12:8

«Án a kah, heé aníng iga lamabu'un dír geeraá muko, inós ku ya/án nee Garmoó Hee dír geeraá malaykér Munguhe.

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Yohana 6:68

Simon Petro Yesu guri báy, «Aáko, amór ta kawaan a amór heemá? Asma kuúng axweesantá slafíngw alhhe'eesay wásl a koón.

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

1 Korinto 9:26

Anínguú kilá' a tawó ti'ii'imaaká, ala amór ni ti'ii'iim a xuú'. Nee slám aníng a tawó tuu'utaaká, ala dír ni tuu' a xuú'.

2 korinto 1:14

Asma qoomaarihe kuungá' kaangwí ugwa tsaahha hhe'eesi'iiká, ala a xuaán baalaadár Aako Yesu binda hardát, kuungá' daqaní ti xirfayeemisá' as atén, adoorír atén tir xirfayeemisaan as kuungá'.

Galatia 2:2

Aníng ana daqáw asma Mungú daqeemuueé' kwí nguna geehhooatís. Dinkwa ana tleehhaán nee geeraharuusér múk kríshaanáy kiloorén. Ya/abtór hho' tidá' ni dír múk xoordaá hatlá' i alki/aa/iit, ngari dir'íní alki/iít. Aníng ana xu'utír wa slaá' áx, gadiyér'eé' tidá' naa tleéhh, nee tí ni tleehh, a tawóro laqaá a adoomá.

Galatia 4:11

Aníng aga da'ayuút kuungae. Aníng ngi slaá' gadiyér naa tleéhh as kuungá' a tawo.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

Filipi 1:6

Gár án ni haratlintatii' a tí, kudá' gadiyér hhoo' gaa iimu/un baraá munerhunge, inós gadiyeédá' ga alhhe'ees ay bál deelór Kristo nay xeer.

1 Tesalonike 2:19

Kuungá' ka xua' haraxu'utirén nee qwal/uurén nee slamángw xirfuurén dír geeraá Aakoorén Yesuwo qoomár inós binda hardáh, a milá ahaá, a kuungaáeéke?

1 Tesalonike 3:5

Gaarí an gár aníng Timoteo ngusa ya/aáw, asma aníng qitla una harslaaqaát, ana xu'utír wa slaá', xáda xáy haratlintaaorhúng Neetlaangw gura bá/i, kudá' kuungá' nu iiara'ár, laqaá gadiyeédá' atén taa tleehhaán sleémeero aa gadiyér tawo tleehhít.

Ebrania 4:12

Asma axweesantá Mungú i sláf. Nee slám i /uuruú koón. Nee i xarásl ló'wa ale tam paángár afe tsár ga bá/. Axweesantá Mungú in dát baraá heé i alé, qeeru nee muuná giri parátl, tam fadu nee waeemoowós giri parátl sleeme. Nee slám axweesantá Mungú inslawoó hee gu sakwasleemút, nee umuúqo gár i slai baraá muunaáwose.

1 Petro 1:23

Asma kuungá' tunda laqwaál sagaáwa tsare, ar xwaylár slaqwtooká, ala ar xwaylár qeeru. Xwaylarí ina tleehharút ar /uuruú axweesantá Mungú, tidá' slafíngw koom, nee slám i hotaatiín ay alhhe'eesay wasle.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.