Filipi 2:10 - Biblía Axweesantá Hhohho' ar Mungú 2004

¹⁰ Asma muu sleémeero umuuwí ngu i tumbarara'ati, mukdá' gawaá doorií dirií' laqaá mukdá' baraá yaamií dirií' nee tam kuduú baraá gi'i.

Ya/abtór hho' 1977

¹⁰ Asma muu sleémeero umuuwí ngu i tumbarara'ati, mukdá' gawaá doorí i dirií' laqaá mukdá' baraá yaamí dirií' nee tam kuduú baraá gi'i.

Filipi 2:10 Iomraidhean Croise

IIMU/UUNGW 41:43

Guri tsa/aás gawaá gaárirós tidár tsár i kon, tidá' ta uuruxun nee faraási. Nee xuumuuse iri geeraá Yosefu wa hi'ít, i tseeamín, i kat, «Tumbarara'até' dír geeraawós.» Yosefu kuri ga/aawusmoó úr wa qaás oo yaamu sleémeero awa Misri.

WARA'AMI 95:6

Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Matayo 27:29

Slamángw laqaya' kuri tlaatlaáw, kuri dahaás gawaá sagós. Daai kari haniís dákw doó /iyáy i alé. Tari tseeamín geeraawós wa aleeró kuwa niqimisi, tari káh, «Waawutmoó múk Yahudi, laawaay.»

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Rumi 11:4

Ala Mungú gár inós ngwa báy a milá? Guna báy, «Aníng múk kumér faanqw u koóm tam hamí oo Ba'ali gwa i tumbarara'atiiká.»

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 3:14

Gawaá adoorihe gaarí an gár Baabá án ngusa i tumbarara'aát nguri firiiriím.

Efeso 4:9

Ala /aymuuwí gídaabárós a milá, kwí tawa kaahi, «Ina tsa/án». Gídaabárós a ina ala geerií aweér sleeme baraá yaamaá baraay.

Ebrania 1:6

Nee malé alé qoomár Garmaawós oo baris nguwa huwtá wa slai baraá yaamií alé, ina oó', «Malaykér Mungú sleémeero ngu i tumbarara'at.»

Geehhoeemaá 20:13

Tlawi múk aa qaatl nguri dúx baraawós wa ale. Gwa'ara nee gi'i múk aa qaatl nguri baraaín wa duxuné'. Mukwí kuri sakwasleemuút umuúqo heewo ar har qoomoó tlehhemi'iiwós.

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 5:3

Ala hee i kaahh gawaá dooriiwo, laqaá tam baraá yaamuwo, laqaá baraá guruú yaamuwo oo kitaábuudá' gwa aleeslay gweeraro, laqaá tam nguwa i qaytsiiti.