Filipi 1:5 - Biblía Axweesantá Hhohho' ar Mungú 2004

⁵ Asma kuungá' aga dinku'uusé' nee aníng Ya/abtór hho' alki/ituuwo iimír bál geera nee tam ay laarí sleeme.

Ya/abtór hho' 1977

⁵ Asma kuungá' aga dinku'uusé' nee aníng Ya/abtór hho' alki/ituuwo iimír bál geera nee tam ay laarí sleeme.

Filipi 1:5 Iomraidhean Croise

Tlehhema'aá ya/Abuuse 2:42

Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 12:13

Kuungá' sleeme múk hhohhó' oo Mungú kuduú liitlakuuse alee/iimisaak, nee dahaaye na dahi'imisaak.

Rumi 15:26

Asma múk kríshaanáy, kudá' oo baraá yaamaá Makedoníár i dirií', nee baraá yaamaá Akaya, inooín kaa slaá' ohme kawa ya/aawi as múk hhohhó' oo Mungú, kudá' liitlakwén, oo baraá Yerusalemúr i dirií', kuwa alee/iisi.

1 Korinto 1:9

Mungú ku inkihhím. Inós an kudá' kuungá' naa ateet as tawa data' baraá dinku'uumadár Garmaawós Yesu Kristo, Aakoorén.

2 korinto 8:1

Hháe, atén a sla'aán kuungá' tsuuqaadá' Mungú aa haniís dír múk kríshaanáy oo baraá yaamaá Makedonia kiwa xua'.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Filipi 1:12

Hhaee'eé', gár ni slaa', kuungá' masók an xuá' adór slahh'amaayeedá' sleémeero aníng naa sláw Ya/abtór hho' ngira ila/iká, ala gana alee/ís tsiyaayaaxaro.

Filipi 1:16

Kuká' kaangwí ngun alki/iitiyá' as sla'aari, asma ka xuu' aníng tina qaás as Ya/abtór hho' ngiwa aleekal/aam.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Filipi 2:22

Ala kuungá' Timoteo u xuá' adór kur inkihhím. Inós nee aníng gadiyér Ya/abtór hho' an altlehhahhitaán, adór baabá nee garmaawós.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Filemoni 1:17

Ala kuúng aníng bira tsáhh adór tar heewók baraá haratlintaaooro, inós ilaooheek adór anuú kilá' wa ale.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.