Filipi 1:27 - Biblía Axweesantá Hhohho' ar Mungú 2004

²⁷ Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Ya/abtór hho' 1977

²⁷ Daxta gár gídaabár koom a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardahiiká, gár án ni slaa' masók an axaás gídaabá kuungá' aga sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 1:27 Iomraidhean Croise

1 QOM'I 19:12

Yoabu Abishai guri báy, «Gám bara aán múk Aramu i baliit, gám hardaháng alee/iisáng, nee múk Amoni kuúng bur ar ba/abaa/, aníng ni hardáh kuúng uwa alee/iis.

WARA'AMI 122:3

Aá Yerusalému, kiíng taa tleéhh adór gixsár taa nigihhiitís.

WARA'AMI 133:1

Ga/aaweek, adór kar hhoó' nee ir sla'atimís hhae iwa dinkwár waá hootiya' ar wakleeli'iima.

AXWEESANOÓ SAGALOOA 22:23

Asma AAKOÓ MUNGÚ inooín gi aleekalaa/, Mukdá' muruú múk hayohiím ar /uuru, AAKOÓ MUNGÚ gi slafiingw hayoh.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

Matayo 12:25

Ala Yesu inslaway'ín nguwa tsaáhh giri báy, «Umuúqo waawuti'iimaro birti kilós tlaampa'aamís, i hhitirút. Slám gixsa, laqaá umuúqo do'o birti kilós tlaampa'aamiis, do'dá' i sihhitiiká.

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 24:24

Deelór hhaawaaká iwa waaráhh, Felisi nee hareerós Drusila tidár Yahudito'o nina hardihiyé'. Paulo kuri ateét. Kángw haratlintaaór baraá Yesu Kristo kuri dír Paulo wa iiárií qamín.

Tlehhema'aá ya/Abuuse 4:32

Nee mukdá' aa haratlintii', muner'ín nee inslaway'ín tari wákleelí. Tam heé aa oo', «Gaarí a te'eé', ar aníng kilooeé',» i kaahh, asma muruuín sleémeero a alqaati.

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 1:9

Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

Rumi 10:8

Ala gan'amuudá' gár i kaahi an tí, «Axweesani ka dirók i tseew, i gawaá afkók, slám i baraá muunaáwók.» Axweesantí an axweesantadár haratlintaao, tidá' atén ta alki/iitaan.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Rumi 15:29

Qoomár án binda hardáh, nin hardáh ar tsuuqaá yaariir awa Kristo.

1 Korinto 1:10

Hhaee'eé', án kuungá' nu harhheehhe'eés ar aleesleemuudá' Aakoorén Yesu Kristo naa aníngí haniís, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

2 korinto 9:13

Alee/isaywí gár i laqaqan a haratlintaaorhúng. Nee inooín Mungú ngun sluufmisiyá' as haratlintaaorhúng. Asma haratlintaaoorí a kaahanaaká Ya/abtór Kristo an tawó katá', ala ana iialooeemisé' sleeme. Asma muruudá' ta koonda' una hanimisé' ar yaareema dir'ín i alé tam dír muu sleémeero.

Galatia 1:7

Ala ya/abtór hho' ar hatlá' i káhh. Mukko kuungá' nu sagaqwaareemiís i deer, oo Ya/abtór hho' ar Kristo ga warqeemiís.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Efeso 1:15

Aníng aga axaás adór kuungá' Aako Yesu kura haratlintié', nee adór muu sleémeero oo taa hhoohhooeés kur sla'á'.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Filipi 1:5

Asma kuungá' aga dinku'uusé' nee aníng Ya/abtór hho' alki/ituuwo iimír bál geera nee tam ay laarí sleeme.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Filipi 2:24

Nee aníng haraxu'uti a koóm sleeme baraá Aakoowo, ar anuú kilá' deeloorí tseewe niwa amorhúngií hardah.

Filipi 3:18

Asma án kaangwí ngwa qaroó oó' geerií ale daqtá yaariire, ala hám daxta ngun malé inkií/ ooaro ar hhirhheeri, asma múk yaariír adór ir hooti a adór wakuusér gwa'arár Kristo ar gawaá msalaába.

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 1:4

Asma aga axaasaán kuungá' adór Kristo Yesu kura haratlintié', nee adór múk hhohhó' oo Mungú sleémeero kura slaé'.

1 Tesalonike 3:6

Ala Timoteo niwa amorhúng wa wayaá', kángw hhó' oo haratlintaaorhúng nguri huúw, nee oo sla'aarirhúng. Atén tina ádbáy adór kuungá' atén tir ló'wa inslasleerá' umuúqo daqto, nee ti artá wa sla'á' adoorír atén kuungá' nur artá wa sla'aan.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 1:19

Mungú haratlintatieek, nee afoodá' hho' ar baraá muunaáwók kawa eeharahat. Kumiít baraá haratlintaaooroge nee afoodá' hho' ar baraá muunaáwók na iiárií qamimeek. Asma mukko i deer oo afór hho' ar baraá muner'ín gaa sii', haratlintaaor'ín dukuutse gari sleér, kari qwaareés.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

Tito 2:10

slám muruú bariiser'ín munguwa fisisiín. Ala inooín gár kiwa hariím masók inkihhimu ngun laqaqaná' umuúqo deelooro, as intsaahhatimisuú Mungú Ba/amusmoorén kuwa xirfayeemisi baraá umuúqo gár i tleehhiia.

Filemoni 1:5

asma kángw sla'aarirók u axamiís nee haratlintaaór ta koon dír Aako Yesuwo nee dír múk hhohhó' sleémeerowo.

Yakobo 3:18

Mukduú loo/ír qamiím ar wayda, gadiyér'ín gár i huwahup a gan'amu.

2 Petro 3:11

Ala mura' sleémeero barqo in adoorír weeq, kuungá' gár tunduwa hariím masók an hotá' ar slafíngw hhohhó' nee oo Mungú kuwa ilaiwawa/a',

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.