Filemoni 1:24 - Biblía Axweesantá Hhohho' ar Mungú 2004

²⁴ Tam Marko nee Aristarko nee Dema nee Luka, kudá' nee aníng algadiyuusá', kuúng u intsihhiimisiyá' sleeme.

Ya/abtór hho' 1977

²⁴ Tam Marko nee Aristarko nee Dema nee Luka, kudá' nee aníng algadiyuusá', kuúng u intsiihhiimisiyá' sleeme.

Filemoni 1:24 Iomraidhean Croise

Tlehhema'aá ya/Abuuse 12:12

Nee qoomaadá' kaangwí nguwa aldakuuti baraá muunaáwós i ale, iri hardáh dír doó Maria, aayór Yohane, kudá' umuuwós oo tsár ta bay Marko, nee múk yaariír ta baraá do'dií dirii' ta firiirín.

Tlehhema'aá ya/Abuuse 12:25

Barnaba nee Saulo gadiyér'ín ngiwa hhe'eesiyé', niri Yerusalemúr wa ki/iyé', ti al koná' nee Yohanedá' ta bay Marko.

Tlehhema'aá ya/Abuuse 13:13

Aluuwo Paulo nee mukós tari tsa/án gawaá miringamo, tari tláy Pafór wa ale, tari hardáh ay Perge baraá yaamaá Pamfilia. Yohane giri geexáy, iri kií/ ay Yerusalemu.

Tlehhema'aá ya/Abuuse 19:29

Tlaahhidá' iri kumít baraá gixsa sleémeero. Boo/oó muu Gayo nee Aristarko kiri ohín. Inooín a múk Makedoniár daáhh, tina al koné' nee Paulo. Mukwí kurir tláy ay dír neeto.

Tlehhema'aá ya/Abuuse 27:2

Ana tsa/amán baraá miringamooko ta bay Adiramito. Miringamoodá' amór i kay a baraá gixsadaá afaá tlawi awa yaamaá Asia. Tari tlawaán. Aristarko, heé gixsár Tesalonike ar baraá yaamaá Makedonia, nee atén ti koomaán.

2 korinto 8:23

Gawaá daanduú Titowo án gár ni oo' a tí, inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudaá hatlá', inooín a múk tinda ya/aáw nee kríshaanáy sleémeero, nee Kristo xirif gu sláy as inooín.

Filipi 2:25

Án ngi slaá' sleeme i qoón hhiyaarén Epafrodito nguwa amorhúngií ya/aaw. Inós nee aníng aga algadiyuusaán, slám inós a slaqwarusmoó wák dinkwa nee aníng. Inós kuungá' nguna ya/abé' amor'eé' alé as aníng iwa sagadiyuusi, nee tidá' án ni slaa' ngiwa hanmiisi.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Kolosai 4:10

Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.

Kolosai 4:14

Luka, kuduú qwaslaarmo oo sla'aarusmo, kuungá' nu intsihhimiis, nee Dema sleeme.

1 Petro 5:13

Múk kríshaanáy kudá' taa tsawaár adór kuungá' wa ale oo baraá yaamaá Babulonírí dirií' kuungá' nu intsahhiimiis. Nee garmaaeé', Marko, sleeme kuungá' nu intsihhiimiis.

3 Yohana 1:8

Gár atén tiwa hariím a múk adór kwí un ilaohiimaán, as gadiyér'ín tidár looeema kawa haratlaa/aan.