Filemoni 1:14 - Biblía Axweesantá Hhohho' ar Mungú 2004

¹⁴ Ala aga slaiiká gaa ngiwa kilooeé' tleehh, aqo adór kuúng ta kat, asma sla'aarirók mawa harakeés masók a adór kuúng ta sla'.

Ya/abtór hho' 1977

¹⁴ Ala aga slaiiká gaa ngiwa kilooeé' tleehh, aqo adór kuúng ta kat, asma sla'aarirók mawa harakeés masók a adór kuúng ta sla'.

Filemoni 1:14 Iomraidhean Croise

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

1 Korinto 9:17

Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

1 Korinto 9:7

Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór sabiíbu gaa dahaas, mamuudá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

2 korinto 1:24

Atén a sla'anaaká kuungá' nuwa hara'ayiimaan, daanduú haratlintaoorhunge. Ala atén nee kuungá' an algadiyuusaán as qwal/uuhúng, asma kuungá' aga kwa/é' baraá haratlintaaorhunge.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

2 korinto 9:5

Gawaá adoorihe aníng ana ár, a gár afhhamít hhaeeká' ngiwa firiim iwa giirina' hardahamu amorhunge, as alee/isaywí kuwa amohhe'esa', kudá' kuungá' naa qaroó al'axwesé' haniisaro. Asma alee/isayhúng barnaxes ngwa qaroó amohhe'esé' qoomár án binda hardáh, gár i laqaqaan a kuungá' kiloohúng ana slaé' kawa hanisa', nee a qahaángwár hanmisa'aaká.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé áx gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.