FAARO 9:14 - Biblía Axweesantá Hhohho' ar Mungú 2004

¹⁴ «Barnaxes hoomoó ayaahúng hoót gaa slaá' deelór ur ar pasaáká ngiwa tleehhi dír AAKOÓ MUNGÚ, inós sleeme kaahi nee dabe sleémeero ar Pasaáka ngi oohi. Dabe nee kaahiro sleémeero kin eehar, barnaxes an hoomo laqaá yaamuloousmo.»

FAARO 9:14 Iomraidhean Croise

ESRA 6:21

Deelmooduú Pasaáka kuri /aáy nee muu sleémeero oo Israeli kudá' naa baraá looháy wa waatl, dinkwa nee umuúqo heewo oo taa paraatl dír múk slasla/aruú xoordaá yaamuudae tay haragwaá' dír múk Israeli as AAKOÓ MUNGÚ, Munguú Israeli kuwa sluufmiisi.

TI'INAANGW 12:43

AAKOÓ MUNGÚ Mose nee Aroni giri báy, «Dabér Pasaáka a tí: Hoomo muruú /aymár Pasaáka munguwa /aáy lo'.

TI'INAANGW 12:47

Xoorór Israeli sleémeero baalaarí ngi inslasleer.

TLAHHOÓ LAÁWI 19:10

Tam sabiíbu aa meet baraá qaymo mu burumburiimara', tam mamaá sabiíbuuhúng awa na paahhiye' mi sleemisaara'. Mawaak as narkuute nee hoomár dabe kaaharen ar baraá ayaahúng hoot. Aníng an AAKOÓ MUNGÚ, Munguúhúng.

TLAHHOÓ LAÁWI 22:25

«Laqaá mi dír hoomár wa ilaoohaar as ngiwa muruú /aymár wa hanis dír anuú AAKOÓ MUNGÚ. Makaysingá' i xaslxaanslír koná', as kiwa tlaáq, nee i kuungá' wa harina'aaká.»

TLAHHOÓ LAÁWI 24:22

Dabeerí in hariín as hoomoó ayaahúng hoót, nee yaamuloouuse. Asma aníng an AAKOÓ MUNGÚ, Munguúhúng.»

TLAHHOÓ LAÁWI 25:15

Tlaxór yaamu masók i alqoón nee faarór kureeraá kawa ki/isiiká dír seebuúwós.

FAARO 15:15

Baraá qari sleémeero ar hi'iita dabeedá' kuungá' ta eeharaahada' hoomoó nee kuungá' alhootá' sleeme gan eehar, asma kuungá' nee hoomoowí dír geeraá AAKOÓ MUNGUHE dimbé i káhh.

FAARO 15:16

Kuungá' nee hoomoodá' dabér nu geeraharahaar a wak, nee kaahír nu geeraharahaar a wak sleeme.»

DABE 29:11

nee na/iihunge nee tlaawayhunge, nee hoomár baraá ayaahúng hoota, tidá' migiruú feehhamiis, nee tidá' ma'ayhúng hhekiita.

DABE 31:12

Muu sleémeero dinkwárí burumbureek, hhawaate nee /ameenaaro nee na/iiwo, dinkwa nee hoomár baraá gixsaduuhúng wa hoota, as kahhó' ngiwa axaasiya' nee ngiwa intsaatsahhiya' nee AAKOÓ MUNGÚ, Munguúhúng nguwa ilaiwawa/iya', nee axweesanoó dabeerí nguwa harmagaahhiya' ooharo.