FAARO 8:7 - Biblía Axweesantá Hhohho' ar Mungú 2004

⁷ Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.

FAARO 8:7 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

TLAHHOÓ LAÁWI 15:27

Hee barnaxes muruuwós kudá' gwaa kwatiít, kwaa meetagaás, harihhoóarós in hhuuntsiit, nee in hamtlín, inós i baraá meeta ay tsiindo.

TLAHHOÓ LAÁWI 15:6

Umuúqo gár heedaádá' malalaáhh aa i iiwiiti bar hee ngaa i iwiít, harihhoóarós a tlabaawós gin hhuunts, nee iri hamtlín, inós i baraá meeta ay tsiindo.

TLAHHOÓ LAÁWI 16:28

Heedaádá' gi daá/ tlabaawós gin hhuunts nee iri hamtlín, daqaní iri sangw dah baraá xafi.»

TLAHHOÓ LAÁWI 8:6

Mose Aroni nee daaqaywós ngiri huúw, giri hheehhe'eés ar ma'aay.

FAARO 19:13

Heé tuaa gaa kwatiit, slaqwtá heé aa gwaa' barnaxes taa hheehhe'eesiiká, inós heémár AAKOÓ MUNGÚ ga meetagaas, inós ku paraatli nee múk Israeli. Hee aqo kun baynitis asma kwaa ma'aydaá hheehhe'eesárí hikiisiiká, nee meetaawós in kumaamitiyá'.

FAARO 31:20

Gár hariim a umuúqo tlawuuwo un hheehhe'esá' sleeme, nee umuúqo gár taa tleehhi ar kaahari, nee gár taa qo tleéhh ar se'éngw aara, laqaá ar taa tleehhi ar xa'ano hheehhe'eesaak.»

FAARO 8:21

Múk Laáwi tlakweemaaín ngiri hheehhe'eesiyé' nee tlabaaín ngina hhuntsiyé', inooín Aroni giri haniís tawa ilahhooár ta haniisi dír geeraá AAKOÓ MUNGÚ. Sleeme Aroni haraki/isa gari tleéhh as inooín ngiwa hheehhe'eesi.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Ebrania 9:13

Asma tseerér gurtaawe nee ar awe, nee da/arár damaay barnaxes kaa tsifaqamiís gawaá slaqwaá mukdá' ta harmeetin, mukdá' guri hhoohhooés,

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.