FAARO 8:6 - Biblía Axweesantá Hhohho' ar Mungú 2004

⁶ «Múk Laáwi paraatleek baraá tlaa/ángw xoorór Israeliwo, nee ki hheehhe'és.

FAARO 8:6 Iomraidhean Croise

2 QOM'I 29:11

Daaqay'eé', kuungá' ilaiwa/ame koomaak. Asma AAKOÓ MUNGÚ kuungá' naa tsawaár gadiyeérí kawa tlehha', kuungá' tawa sagadiyuuseerós, nee inós kuwa mooyángw tsuú' i da/a/aanda'.»

TI'INAANGW 19:15

Mose muu guri báy, «Ti amohhe'eese' as balooqa, hhaawata miwa amór /ameenír káy.»

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

TLAHHOÓ LAÁWI 14:11

Heedaádá' taa hhoohhooeés kaahamusmoó Mungú guri huuw dír geeraá AAKOÓ MUNGÚ, bihhaá afkú heémár Mungú, dinkwa nee muruuwós kudá' sleémeero naa huwi.

MALAKI 3:3

Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

FAARO 3:6

«Múk tlahhoó Laáwi diirí tseeweesang, ki dír geera kaahamusmo Aroni i sihhtís as inós nguwa sagadiyuusiya'.

FAARO 8:5

AAKOÓ MUNGÚ ina axweés dír Mose, iwa kaahi,

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.