FAARO 8:21 - Biblía Axweesantá Hhohho' ar Mungú 2004

²¹ Múk Laáwi tlakweemaaín ngiri hheehhe'eesiyé' nee tlabaaín ngina hhuntsiyé', inooín Aroni giri haniís tawa ilahhooár ta haniisi dír geeraá AAKOÓ MUNGÚ. Sleeme Aroni haraki/isa gari tleéhh as inooín ngiwa hheehhe'eesi.

FAARO 8:21 Iomraidhean Croise

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TLAHHOÓ LAÁWI 14:11

Heedaádá' taa hhoohhooeés kaahamusmoó Mungú guri huuw dír geeraá AAKOÓ MUNGÚ, bihhaá afkú heémár Mungú, dinkwa nee muruuwós kudá' sleémeero naa huwi.

FAARO 19:12

Bál tám nee bál faanqwe heewí i hamtlin ar ma'aydaá hheehhe'eesa, inós daqaní ku hhoohhoó'. Ala barnaxes aa hamtlinká bál tame nee bál faanqwe, heewí i baraá meetá wa kumamiit.

FAARO 19:19

Bál tám nee bál faanqw, heé daba' hhohhó', heedaádá' baraá meetá i dirií' ngu ma'aydaá hheehhe'eesárí hikiisi, heedaádá' ngu hheehhe'eesi, heedaádá' baraá meetá i dirií', inós tlabaawós ngi hhuntsi nee i hamtlin, nee tsiindoowo meetaawós naa faakiyé'.

FAARO 3:12

«Ga/aaweek hamí múk tlahhoó Laáwi ugwa tsawaár tla/ángw múk Israeli sleémeero, kitángw na/oó baris oo umuú do'o baraá múk Israeliwo. Múk tlahhoó Laáwi a kwe'eé',

FAARO 8:15

Alaá múk Laáwi bura hhe'és hheehhe'eesaro, nee bira dír geeraaeé' qás tawa ilahhooár ta haniisi dír Mungú daqaní ni baraá heémár Mungú i dahiye' as niwa gadiyuusiya'.

FAARO 8:20

Gawaá adoorihe Mose, Aroni nee dinku'uuma sleémeero ar múk Israeli múk Laáwi kuri paraátl ar adoodá' AAKOÓ MUNGÚ Mose ngura hara'ayín.

FAARO 8:22

Alaá kaangwihe múk Laáwi iri dáh nee tari gadiyuús baraá heémár Mungú wa ale, kina geerahaár nee Aroni nee daaqaywós ar adoodá' AAKOÓ MUNGÚ Mose ngura hara'ayín.

FAARO 8:7

Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.