FAARO 8:2 - Biblía Axweesantá Hhohho' ar Mungú 2004

² «Aroni ádbaweek qoomár bir tsaa'asoodá' faánqw qamín gawaá kitángw tsaa'aso, ngi qoomeesi as iwa gwa/at amór geeraá kitangwdá'.»

FAARO 8:2 Iomraidhean Croise

WARA'AMI 119:105

Axweesantók a adór tsaa'asi ar aníng i geerahaar, nee gwa/aateemá baraá loohir'eé'.

WARA'AMI 119:130

Alki/ituú muruudá' kuúng ta sla', gwa/aateema ngin huwahuuw, múk gár xuaaká gu xu'utimis.

TI'INAANGW 25:37

Kuúng tsaa'aso faanqw an tléhh as kitangwduú tsaa'aso, kari gawaadií qás as iwa geeraawós wa gwa/at.

TI'INAANGW 37:23

Aluuwo tsaa'asodá' faanqw gari tleéhh ar sahaábuudá' hhohhó' nee muqslaadá' kar ohina nee sahaánaywose.

TI'INAANGW 39:37

nee kitángw tsaa'aso, nee tsaa'asorose, nee xosluuwós sleémeero dinkwa nee di/oó tsaa'asooro,

TI'INAANGW 40:25

Tsaa'aso gari qaás gawaá kitaangw dír geeraá AAKOÓ MUNGÚ ar adoodá' AAKOÓ MUNGÚ Mose ngura ádbáy.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

TLAHHOÓ LAÁWI 24:4

Tsaa'asoosíng gan qaas gawaá kitangwduú tsaa'aso kudá' taa tleéhh ar sahaábuú hhohhó' as iwa gwa/at daqisleém dír geeraá AAKOÓ MUNGÚ wa ale.

FAARO 8:1

AAKOÓ MUNGÚ Mose guna i axweés iwa kaahi,

FAARO 8:3

Aroni kaangwí guri iialooeés, tsaa'asoodá' gari qaás, iri gwa/át amór geeraá kitaangw ar adoodá' AAKOÓ MUNGÚ Mose ngura hara'ayín.

Matayo 5:14

«Kuungá' a gwa/aateemaá múk baraakaá yaamu. Gixsár gawaá tloomár i dirii', ti lu/uká.

Yohana 1:9

Ala gwa/aateemaá ló' kudá' umuúqo heewo ngu gwa/atamiisá', i baraá yaamií hi'iitiyá'.

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

Geehhoeemaá 1:12

Aníng niri warqáw as heedá' amor'eé' axweés nguwa ar. Nee qoomár niwa warqáw, kiteeraá faanqw awa tsaa'asór koomá' awa taa tleéhh ar sahaábu ina ár.

Geehhoeemaá 1:20

Lu/aaroó tsatse/uudá' faanqw, kudá' kuúng taa aán baraá dakw'eé' oo doó /iyáy, nee oo kiteeridá' faanqw awa sahaábu awa tsaa'asór koomá', gídaabárós a tí: Tsatse/uudá' faanqw a malaykér múk kríshaanáyduú baraá gixsadaá faanqw. Nee kiteeridá' faanqw awa tsaa'asór koomá' a múk kríshaanáyduú baraá gixsadaá faanqw.»

Geehhoeemaá 4:5

Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geeraá kitangwduú aleesleemuwo tsaa'asór faanqw i dír geeraadá' wa ót. Tsaa'asoorí a Qeereemaá faanqw awa Mungú.