FAARO 8:11 - Biblía Axweesantá Hhohho' ar Mungú 2004

¹¹ aluuwo Aroni múk tlahhoó Laáwi ngu dír geeraaeé' huwi tawa ilahhooár ta haniisi dír Mungú ar múk Israeli as kahhó' AAKOÓ MUNGÚ nguwa sagadiyuusiya'.

FAARO 8:11 Iomraidhean Croise

TI'INAANGW 29:24

Muruuwí sleémeero dír Aroni nee daaqaywós ti hanis, inooín ngi gáwtí tleesiye' as tawa slaqsoó ilahhooár tinda anuú AAKOÓ MUNGÚ i haniís.

TLAHHOÓ LAÁWI 7:30

Ngin dabaawós awa kilár huuw tawa adór ilahhooár da/a, nee di/i nee da/eewo, gari gáwtí tlees as ngiwa haniís dír AAKOÓ MUNGÚ.

TLAHHOÓ LAÁWI 7:34

Asma anuú AAKOÓ MUNGÚ da/eewodá' taa haniís tawa ilahhooár ta gáwtí tleemisi nee yaaeedá' taa ilahhooár wa haniisi baraá ilahhooar'ín tidár wayduwo, aga hara'ayiím múk Israeli ngiwa haniisi dír kaahamusmo Aroni nee xwaylarós. Asma fu'unayká' kina dír kaahamuusér Mungú ii haniís ay alhhe'eesay wasle.

TLAHHOÓ LAÁWI 8:27

Mose muruudá' sleémeero guri haniís dír Aroni nee daaqaywós, inooín kuri gáwtí tleés as kuwa dír AAKOÓ MUNGÚ i haniisi.

TLAHHOÓ LAÁWI 8:29

Mose fu'unaá da/eewo giri taataáhh, nee giri gáwtí tleés, as ngiwa haniisi dír AAKOÓ MUNGÚ, da/eewaá gwaanduú tara partliít awa Mose, ar adoodá' AAKOÓ MUNGÚ ngira hara'ayín.

FAARO 6:20

Aluuwo kaahamusmoó Mungú ilahhooarí gari gáwtí tlees as kawa haniisi dír AAKOÓ MUNGÚ. Muruuwí sleémeero hhohhó' oo kaahamusmoó Mungú dinkwa nee da/eewo, kudá' taa gáwtí tleés nee /aaramoó yaae, kudá' taa ilahhooár wa haniís. Alaá kaangwí sleémeerowo heedaádá' al'axweesani gaa oo' difaái ngiwa wahi i qoón.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.